________________
७७८ सुत्तागमे
-[ भगवा माणुपोग्गलं जं समयं जाणइ नो तं समयं पासइ, जं समयं पासइ नो तं समर्ट जाणइ ? गोयमा! सागारे से नाणे भवइ, अणागारे से दंसणे भवइ, से तेण?" जाव नो तं समयं जाणइ, एवं जाव अणंतपएसियं । केवली णं भंते ! मणुस्से पर. माणुपोग्गलं जहा परमाहोहिए तहा केवलीवि जाव अणंतपएसियं ॥ सेवं भंते ! सेवं भंते ! त्ति ॥ ६४० ॥ अट्ठारसमस्स सयरस अट्ठमो उद्देसो समत्तो॥
रायगिहे जाव एवं वयासी-अस्थि णं भंते ! भवियदव्वनेरइया २ ? हंता अत्थि, से केणटेणं भंते ! एवं वुच्चइ भवियदव्वनेरइया २ ? गोयमा ! जे भविए पंचिंदियतिरिक्खजोणिए वा मणुस्से वा नेरइएसु उववज्जित्तए से तेणटेणं, एवं जाव थणियकुमारा, अस्थि णं भंते ! भवियदव्वपुढविकाइया २ ? हंता अस्थि, से केणढेणं भंते ! एवं० १ गोयमा ! जे भविए तिरिक्खजोणिए वा मणुस्से वा देवे वा पुढविकाइएसु उववज्जित्तए से तेणटेणं, आउक्काइयवणस्सइकाइयाणं एवं चेव उववाओ, तेउवाउबेइंदियतेइंदियचउरिदियाण य जे भविए तिरिक्खजोणिए वा मणुस्से वा पंचिंदियतिरिक्खजोणियाणं जे भविए नेरइए वा तिरिक्खजोणिए वा मणुस्से वा देवे वा पंचिंदियतिरिक्खा जोणिए(वा)सु उववजित्तए एवं मणुस्सावि, वाणमंतरजोइसियवेमाणियाणं जहा नेरइ. याणं ॥ भवियदव्वनेरइयस्स णं भंते ! केवइयं कालं ठिई प० ? गोयमा ! जहन्नेगं अंतोमुहुत्तं उक्कोसेणं पुव्वकोडी, भवियदव्वअसुरकुमारस्स णं भंते! केवइयं कालं ठिई प०? गोयमा! जहन्नेणं अंतोमुहुत्तं उक्कोसेणं तिन्नि पलिओवमाई, एवं जाव थणियकुमारस्स । भवियदव्वपुढविकाइयस्स णं पुच्छा, गोयमा ! जहन्नेणं अंतोमुहुक्तं उकोसेणं साइरेगाइं दो सागरोवमाई, एवं आउकाइयस्सवि, तेउवाऊ जहा नेरइ. यस्स, वणस्सइकाइयस्स जहा पुढविकाइयस्स, बेइंदियस्स तेइंदियस्स चउरिदियस्स जहा नेरइयरस, पंचिंदियतिरिक्खज़ोणियस्स - जहन्नेणं अंतोमुहुत्तं उक्कोसेणं तेत्तीसं सागरोवमाइं, एवं मणुस्सावि, वाणमंतरजोइसियवेमाणियस्स जहा असुरकुमारस्स ॥ सेवं भंते ! सेवं भंते ! त्ति ॥ ६४१ ॥ अट्ठारसमस्स सयरस नवमो उद्देसो समत्तो॥
रायगिहे जाव एवं वयासी-अणगारे णं भंते ! भावियप्पा असिधारं वा खुर• धारं वा ओगाहेजा ? हंता ओगाहेजा, से णं तत्थ छिज्जेज वा भिजेज वा ? णो इणद्वे समढे, णो खलु तत्थ सत्थं कमइ, एवं जहा पंचमसए परमाणुपोग्गलवत्तव्वया जाव अणगारे णं भंते ! भावियप्पा उदावत्तं वा जाव नो खलु तत्थ सत्थं कमइ ॥६४२ ॥ परमाणुपोग्गले णं भंते ! वाउयाएणं फुडे वाउयाए वा परमाणुपोग्गलेणं फुडे ? गोयमा! परमाणुपोग्गले वाउयाएणं फुडे नो वाउयाए परमाणुपोग्गलेणं.
