________________
७७२
सुत्तागमे
[भगवई नीलए सुयपिच्छे, नेच्छइयनयस्स पंचवण्णे सेसं तं चेव, एवं एएणं अभिलावेणं लोहि(ति)या मंजिट्ठिया, पीतिया हालिद्दा, सुकिल्लए संखे, सुन्भिगंधे कोटे, दुन्भिगंधे मियगसरीरे, तित्ते निबे, कडुया सुंठी, कसाए कविटे, अंवा अंबिलिया, महुरे खंडे, कक्खडे वइरे, मउए नवणीए, गुरुए अए, लहुए उलुयपत्ते, सीए हिमे, उसिणे अगणिकाए, णिद्धे तेल्ले । छारिया णं भंते ! पुच्छा, गोयमा! एत्थ णं दो नया भवंति, तं०-निच्छइयनए य वावहारियनए य, वावहारियनयस्स लुक्खा छारिया, नेच्छइयनयस्स पंचवन्ना जाव अट्ठफासा प० ॥ ६२९ ॥ परमाणुपोग्गले णं भंते ! कइवन्ने जाव कइफासे पन्नत्ते ? गोयमा! एगवन्ने एगगंधे एगरसे दुफासे पन्नत्ते ॥ दुपएसिए णं भंते ! खंधे कइवन्ने० पुच्छा, गोयमा ! सिय एगवन्ने सिय दुवने, सिय एगगंधे सिय दुगंधे, सिय एगरसे सिय दुरसे, सिय दुफासे सिय तिफासे सिय चउफासे पन्नत्ते, एवं तिपएसिएवि, नवरं सिय एगवन्ने सिय दुवन्ने सिय तिवन्ने, एवं रसेसुवि, सेसं जहा दुपएसियस्स, एवं चउप्पएसिएवि, नवरं सिय एगवन्ने जाव सिय चउवन्ने, एवं रसे- . सुवि, सेसं तं चेव, एवं पंचपएसिएवि, नवरं सिय एगवन्ने जाव सिय पंचवन्ने, एवं रसेसुवि, गंधफासा तहेव, जहा पंचपएसिओ एवं जाव असंखेजपएसिओ ॥ सुहुमपरिणए णं भंते ! अणंतपएसिए खंधे कइवन्ने ? जहा पंचपएसिए तहेव निरवसेसं, वायरपरिणए णं भंते ! अणंतपएसिए खंधे कइवन्ने० पुच्छा, गोयमा ! सिय एगवन्ने जाव सिय पंचवन्ने, सिय एगगंधे सिय दुगंधे, सिय एगरसे जाव सिय पंचरसे, सिय चउफासे जाव सिय अठ्ठफासे प० ॥ सेवं भंते ! सेवं भंते ! त्ति ॥ ६३० । अट्ठारसमस्स सयरस छट्ठो उद्देसो समत्तो॥ __ रायगिहे जाव एवं वयासी-अन्नउत्थिया णं भंते ! एवमाइक्खंति जाव परूनैति-एवं खलु केवली जक्खाएसेणं आइस्सइ, एवं खलु केवली जक्खाएसेणं आइडे समाणे आहच्च दो भासाओ भासइ, तं०-मोसं वा सञ्चामोसं वा, से कहमेयं भंते ! एवं ? गोयमा ! जण्णं ते अन्नउत्थिया जाव जे ते एवमाहंसु मिच्छं ते एवमाहंसु, अहं पुण गोयमा । एवमाइक्खामि ४-नो खलु केवली जक्खाएसेणं आइस्सइ, नो खलु केवली जक्खाएसेणं आइढे समाणे आहच्च दो भासाओ भासइ, तं०-मोसं वा सच्चामोसं वा, केवली णं असावजाओ अपरोवघाइयाओ आहच दो भासाओ भासइ, तं०-सच्चं वा असच्चामोसं वा ॥ ६३१॥ कइविहे णं भंते ! उवही पण्णत्ते ? गोयमा ! तिविहे उवही प०, तं०-कम्मोवही, सरीरोवही, वाहिरभंडमत्तोवगरणोवही, नेरइयाणं भंते ! पुच्छा, गोयमा । दुविहे उवही प०, तं०-कम्मोवही य सरीरोवही य, सेसाणं तिविहे उवही एगिदियवजाणं जाव वेमाणियाणं, एगिदियाणं
