________________
वि० प०.स. १८ उ०६]
सुत्तागमे
७७१
उववन्नगा य, तत्थ णं जे से माइमिच्छादिहिउववन्नए नेरइए से णं महाकम्मतराए चेव जाव महावयणतराए चेव, तत्थ णं जे से अमाइसम्मद्दिट्ठिउववन्नए नेरइए से गं अप्पकम्मतराए चेव जाव अप्पवेयणतराए चेव, दो भंते ! असुरकुमारा एवं चेव, एवं एगिदियविगलिंदियवज जाव वेमाणिया ॥ ६२६ ॥ नेरइ(या)एणं भंते ! अणंतरं उच्चट्टित्ता जे भविए पंचिंदियतिरिक्खजोणिएसु उववजित्तए, से णं भंते ! कयरं आउंयं पडिसंवेदेइ ? गोयमा ! नेरड्याउयं पडिसंवेदेइ, पंचिंदियतिरिक्खजोणियाउए से पुरओ कडे चिट्ठइ, एवं मणुस्सेवि, नवरं मणुस्साउए से पुरओ कडे चिठ्ठइ । असुरकुमारा णं भंते ! अणंतरं उव्वटित्ता जे भविए पुढविकाइएसु उववज्जित्तए पुच्छा, गोयमा ! असुरकुमाराउयं पडिसंवेदेइ, पुढविकाइयाउए से उरओ कडे चिठ्ठइ, एवं जो जहिं भविओ उववजित्तए तस्स तं पुरओ कडं चिट्ठइ, जत्थ ठिओ तं पडिसंवेदेइ जाव चेमाणिए, नवरं पुढविकाइए पुढविकाइएसु उववजइ पुढविकाइयाउयं पडिसंवेदेइ, अन्ने य से पुढविक्काइयाउए पुरओ कडे चिट्ठइ, एवं जाव मणुस्सो सट्टाणे उववाएयव्वो परहाणे तहेव ॥ ६२७ ॥ दो भंते ! असुरकुमारा एगंसि असुरकुमारावासंसि असुरकुमारदेवत्ताए उववन्ना, तत्थ णं एगे असुरकुमारे देवे उज्जुयं विउव्विस्सामित्ति उज्जुयं विउव्वइ, वकं विउव्विस्सामित्ति वंक विउव्वइ, जं जहा इच्छइ तं तहा विउव्वइ, एगे असुरकुमारे देवे उजुयं विउव्विस्मामित्ति वक्र विउव्वइ, वंकं विउविस्सामित्ति उजुयं विउव्वइ, जं जहा इच्छइ णो तं तहा विउव्वइ, से कहमेयं भंते ! एवं ? गोयमा ! असुरकुमारा देवा दुविहा प०, तं०-माइमिच्छद्दिहिउववन्नगा य अमाइसम्मद्दिट्ठिउववन्नगा य, तत्थ णं जे से माइसमच्छादिट्ठिउववन्नए असुरकुमारे देवे से गं उज्जुयं विउबिस्सामित्तिं वंकं विउव्वइ जाव णो तं तहा विउव्वइ, तत्य णं जे से अमाइसम्मद्दिहिउववन्नए असुरकुमारे देवे से णं उजुयं विउव्विस्सामीति उज्जुयं विउव्वइ जाव तं तहा विउव्वइ । दो भंते ! नागकुमारा एवं चेव, एवं जाव थणियकुमारा, वाणमंतरजोइसियवेमाणिया एवं चेव ॥ सेवं भंते ! २ त्ति ॥ ६२८ ॥ अट्ठारसमस्स सयरस पंचमो उद्देसो समत्तो।
फाणियगुले णं भंते ! कइवन्ने कइगंधे कइरसे कइफासे पण्णत्ते ? गोयमा! एत्थ ण दो नया भवंति, तं०-निच्छइयनए य वावहारियनए य, वावहारियनयस्स गोटे फाणियंगुले, नेच्छइयनयस्स पंचवन्ने दुगंधे पंचरसे अट्ठफासे प० । भमरे णं भंते ! कइवन्ने० पुच्छा, गोयमा । एत्थ णं दो नया भवंति, तं०-निच्छइयनए य वाचहारियनए य, वावहारियनयस्स कालए भमरे, नेच्छइयनयस्स पंचवन्ने जाव अट्ठकासे प० । सुयपिच्छे णं भंते ! कइवन्ने० प०? एवं चेव, नवरं वावहारियनयस्स
