________________
७६२ सुत्तागमे
[ भगवई पुच्छा, गोयमा ! पढमावि अपढमावि, नेरइया जाव वेमाणिया णो पढमा अपढमा, सिद्धा पढमा नो अपढमा, एक्कक्ने पुच्छा भाणियव्वा २ ॥ भवसिद्धिए एगत्तपुहुत्तेणं जहा आहारए, एवं अभवसिद्धिएवि, नोभवसिद्धियनोअभवसिद्धिए णं भंते ! जीवे नोभव० पुच्छा, गोयमा ! पढमे नो अपढमे, णोभवसिद्धिय नोअभवसिद्धिया णं भंते ! सिद्धा नोभ० अभव०, एवं चेव पुहुत्तेणवि दोण्हवि ॥ सन्नी णं भंते ! जीवे सण्णिभावेणं किं पढमे पुच्छा, गोयमा ! नो पढमे अपढमे, एवं विगलिंदियवज्जं जाव वेमाणिए, एवं पुहुत्तेणवि ३ ॥ असन्नी एवं चेव एगत्तपुहुत्तेणं नवरं जाव वाणमंतरा, नोसन्नीनोअसन्नी जीवे मणुस्से सिद्धे पढमे नो अपडमे, एवं पुहुत्तेणवि ४ ॥ सलेस्से णं भंते । पुच्छा, गोयमा ! जहा आहारए एवं पुहुत्तेणवि, कण्हलेस्सा जाव सुक्कलेस्सा एवं चेव नवरं जस्स जा लेस्सा अस्थि । अलेस्से णं जीवमणुस्ससिद्ध जहा नोसन्नीनोअसन्नी ५ ॥ सम्मदिहिए णं भंते ! जीवे सम्महिट्ठिभावेणं किं पढमे पुच्छा, गोयमा ! सिय पढमे सिय अपढमे, एवं एगिदियवजं जाव वेमाणिए, सिद्धे पढमे नो अपढमे, पुहुत्तिया जीवा पढमावि अपढमावि, एवं जाव माणिया, सिद्धा पढमा नो अपढमा, मिच्छादिट्ठिए एगत्तपुहुत्तेणं जहा आहारगा, सम्मामिच्छादिहिए एगत्तपुहुत्तेणं जहा सम्मदिट्ठी, नवरं जस्स अत्थि सम्मामिच्छत्तं ६ ॥ संजए जीवे मणुस्से य एगत्तपुहुत्तेणं जहा सम्मट्टिी, असंजए जहा आहारए, संजयासंजए जीवे पंचिदियतिरिक्खजोणियमणुस्सा एगत्तपुहुत्तेणं जहा सम्सद्दिट्टी, नोसंजएनोअसंजएनोसंजयासंजए जीवे सिद्ध य एगत्तपुहुत्तेणं पढमे नो अपढमे ७ ॥ सकसाई कोहकसाई जाव लोभकसाई एए एगत्तपुहुत्तेणं जहा आहारए, अकसाई जीवे सिय पढमे सिय अपढमे, एवं मणुस्सेवि, सिद्धे पढमे नो अपढमे, पुहुत्तेणं जीवा मणुस्सा पढमावि अपढमावि, सिद्धा पढमा नो अपढमा ८ ॥ णाणी एगत्तपुहुत्तेणं जहा सम्मट्ठिी, आभिणिबोहियनाणी जाव मणपज्जवनाणी एगत्तपुहुत्तेणं एवं चेव, नवरं जस्स जं अत्थि, केवलनाणी जीवे मणुस्से सिद्ध य एगत्तपुहुत्तेणं पढसा नो अपढमा । अन्नाणी मइअन्नाणी सुयअन्नाणी विभंगनाणी एगत्तपुहुत्तेणं जहा आहारए ९ ॥ सजोगी सणजोगी वइजोगी कायजोगी एगत्तपुहुत्तेणं जहा आहारए, नवरं जस्स जो जोगो अत्थि, अजोगी जीवमणुस्ससिद्धा एगत्तपुहुत्तेणं पढसा नो अपढमा १० ॥ सागारोवउत्ता अणागारोवउत्ता एगत्तपुहुत्तेणं जहा अणाहारए ११. ॥ सवेदगो जाव नपुंसगवेदगो एगत्तपुहुत्तेणं जहा आहारए नवरं जस्स जो वेदो अत्थि, अवेदओ एगत्तपुहुत्तेणं तितुवि पएसु जहा अकसाई १२ ॥ ससरीरी जहा आहारए, एवं जाव कम्मगसरीरी जस्स जं अस्थि
