________________
सुत्तागसे
[आयारे२८ हिमणुपालए; अंतो वहि विउस्सिज्ज, अज्झत्थं सुद्धमेसए ॥५॥४४१॥ ज किंचुवक्कम जाणे, आउक्खेमस्स अप्पणो; तस्सेव अंतरद्धाए, खिप्पं सिक्खेज पडिए ॥६॥४४२॥ गामे वा अदुवा रण्णे, थंडिलं पडिलेहिया; अप्पपाणं तु विनाय, तणाई संयरे मुणी ॥७॥४४३॥ अणाहारो तुअटेजा, पुट्ठो तत्थ हियासए; णातिवेलं उवचरे, माणुस्सेहिं विपुठ्ठवं ॥८॥४४४॥ संसप्पगा य जे पाणा, जे उ उद्धृमहाचरा; भुंजंति मंससोणितं, ण छणे ण पमजए ॥ ९ ॥ ४४५ ॥ पाणा देहं विहिंसंति, ठाणाओ ण वि उब्भमे; आसवेहिं विवित्तेहिं, तिप्पमाणोऽहियासए ॥१०॥ गंथेहिं विवित्तेहिं, आउकालस्स पारए॥४४६॥ पग्गहियतरगं चेयं, दवियस्स वियाणतो ॥११॥४४७॥ अयं से अवरे धम्मे, णायपुत्तेण साहिए; आयवजं पडीयारं, विजहिजा तिहा तिहा ॥ १२ ॥ ४४८ ॥ हरिएसु ण णिवजेजा, थंडिलं मुणिआ सए; विउस्सिज्ज अणाहारो, पुट्ठो तत्थ हियासए ॥ १३ ॥ ४४९ ॥ इंदिएहि गिलायंते, समियं आहरे मुणी; तहावि से अगरिहे, अचले जे समाहिए ॥ १४ ॥ ४५० ॥ अभिकमे पडिकामे, संकुचए पसारए; कायसाहारणहाए, इत्थं वा वि अचेयणे ॥१५॥४५१॥ परिकमे परिकिलंते, अदुवा चिठे अहायते; ठाणेण परिकिलंते, णिसिइजाय अंतसो ॥ १६ ॥ ४५२ ॥ आसीणे णेलिसं मरणं, इंदियाणि समीरए; कोलावासं समासम्म, वितहं पादुरेसए ॥ १७ ॥ ४५३ ॥ जओ वजं समुप्पजे, ण तत्थ अवलंबए; ततो उसे अप्पागं, सव्वे फासे अहिंयासए ॥ १८ ॥ ४५४ ॥ अयं चायततरे सिया, जो एवं अणुपालए; सव्वगायणिरोधेवि, ठाणातो णवि उन्भमे ॥१९॥४५५॥ अयं से उनमे धम्मे, पुवठ्ठाणस्स पग्गहे; अचिरं पडिलेहित्ता, विहरे चिठ्ठ माहणो ॥ २० ॥ ४५६ ॥ अचित्तं तु समासज, ठावए तत्थ अप्पगं; वोसिरे सव्वसो कायं, ण मे देहे परीसहा ॥ २१॥ ४५७ ॥ जावजीवं परीसहा, उसग्गा इति मंगया; सबुढे देहमेयाए, इति पण्णे हियासए ॥२२॥४५८॥ भेउरेसु न रजेजा, कागेम बहुतरेसु वि; इच्छा लोभ ण सेवेजा, धुवं वन्नं सपेहिया ॥ २३ ॥ ४५९ ॥ सामहि णिमंनेजा, दिव्वमायं ण सद्दहे; तं पडिवुज्झ माहणे, सव्वं नूसं विधूणिया ॥ २४ ॥ ४६० ॥ सचठेहिं अमुच्छिए, आउकालस्स पारए; तितिक्खं परमं पचा, निमोहननरं हितं त्ति बेमि ॥ २५॥ ४६१ ॥ अठमोद्देसो समत्तो॥
॥ विमोक्खणासमठमझयणं समत्तं ॥
