________________
वि० प० स० १६ उ०६]
सुत्तागमे
७४७
आयाहिणं पयाहिणं जाव तिविहाए पजुवासणाए पज्जुवासइ, तए णं मुणिसुव्वए अरहा गंगदत्तस्स गाहावइस्स तीसे य महइ जाव परिसा पडिगया, तए णं से गंगदत्ते गाहावई मुणिसुव्वयस्स अरहओ अंतियं धम्मं सोचा निसम्म हट्टतुट्ठ० उहाए उठेइ २ त्ता मुणिसुव्वयं अरहं चंदइ नमसइ वंदित्ता नमंसित्ता एवं वयासी-सदहामि णं भंते ! निग्गथं पावयणं जाव से जहेयं तुम्भे वदह, जं नवरं देवाणुप्पिया ! जेट्टपुत्त कुटुंबे ठावेमि, तए णं अहं देवाणुप्पियाणं अंतियं मुंडे जाव पव्वयामि, अहासुहं देवाणुप्पिया ! मा पडिवंधं, तए णं से गंगदत्ते गाहावई मुणिसुव्वएणं अरहयां एवं वुत्ते समाणे हट्टतुट्ठ० मुणिसुव्वयं अरहं वंदइ नमंसइ वं० २ त्ता मुणिसुव्वयस्स अरहओ अंतियाओ सहसंववणाओ उजाणाओ पडिनिक्खमइ २ ता जेणेव हत्थिणापुरे नयरे जेणेव सए गिहे तेणेव उवागच्छड २ त्ता विउलं असणं पाणं जाव उवक्खडावेइ २ त्ता मित्तणाइणियग जाव आमंतेइ आमंतेत्ता तओ पच्छा पहाए जहा पूरणे जाव नेट्टपुत्तं कुडुंवे ठावेइ, तं मित्तणाइ जाव जेट्टपुत्तं च आपुच्छइ २ त्ता पुरिससहस्सवाहिणिं सीयं दुलहइ पुरिससह० २ त्ता मित्तणाइनियग जाव परिजणेणं जेट्टपुत्तेण य समणुगम्ममाणमग्गे सव्विड्डीए जाव णाइयरवेणं हत्थिणापुरं नयरं मज़मज्झेणं निग्गच्छइ २ त्ता जेणेव सहसंववणे उजाणे तेणेव उवागच्छइ २ त्ता छत्ताइए तित्थगराइसए पासइ एवं जहा उदायणे जाव सयमेव आभरणं उमुयइ स० २ त्ता सयमेव पंचमुट्ठियं लोयं करेइ स० २ ता जेणेव मुणिसुव्वए अरहा एवं जहेव उदायणे तहेव पव्वइए, तहेव एकारस अंगाइं अहिजइ जाव मासियाए संलेहणाए सढि भत्ताइं अणसणाए (जाव) छेदेइ सद्धिं भत्ताइं० २ त्ता आलोइयपडिक्तते समाहिपत्ते कालमासे कालं किच्चा महासुक्के कप्पे महासामाणे विमाणे उववायसभाए देवसयणिजंसि जाव गंगदत्तदेवत्ताए उववन्ने, तए णं से गंगदत्ते देवे अहुणोववन्नमेत्तए समाणे पंचविहाए पज्जत्तीए पजत्तिभावं गच्छइ, तंजहा-आहारपजत्तीए जाव भासामणपज्जत्तीए, एवं खलु गोयमा! गंगदत्तेणं देवेणं सा दिव्वा देविड्डी जाव अभिसमन्नागया । गंगदत्तस्स णं भंते ! देवस्स केवइयं कालं ठिई पन्नत्ता ? गोयमा ! सत्तर ससागरोवमाइं ठिई प०, गंगदत्ते णं भंते । देवे ताओ देवलोगाओ
आउक्खएणं जाव महाविदेहे वासे सिज्झिहिइ जाव अतं काहिइ ॥ सेवं भंते ! २ त्ति ॥ ५७५ ॥ सोलसमस्ल सयस्स पञ्चमो उद्देसो समन्तो । ___ कइविहे णं भंते ! सुविणदंसणे पण्णत्ते ? गोयमा ! पंचविहे सुविणदसणे पण्णत्ते, तंजहा-अहातच्चे पयाणे चिंतासुविणे तविवरीए अव्वत्तदंसणे ॥ सुत्ते णं भंते ! सुविणं पासइ, जागरे सुविणं पासइ, सुत्तजागरे सुविणं पासइ ? गोयमा । नो सुत्ते सुविणं पासइ,
