________________
'वि० प० स० १५] सुत्तागमे महावीरं वंदइ नमसइ वं० २ त्ता एवं वयासी-एवं, खलु देवाणुप्पियाणं अंतेवासी पाईणजागवए सव्वाणुभूई नाम अंणगारे पगइभद्दए जाव विणीए, से णं भंते ! तया गोसालेणं - मंखलिपुत्तेणं तवेणं तेएणं- भासरासीकए समाणे कहिं गए कहिं उववन्ने ? एवं खलु गोयमा! ममं अतेवासी पाईणजाणवए सव्वाणुभूई नामं अणगारे पगइभद्दए जाव विणीए,से णं तया गोसालेणं मंखलिपुत्तगं तवेणं तेएणं भासारसीकए समाणे उडे चंदिमसूरिय जाव वंभलंतगमहामुक्के कप्पे वीईवइत्ता सहस्सारे कप्पे देवत्ताए उववन्ने, तत्य णं अत्थेगइयाणं देवाणं अट्ठारस सागरोवमाइं ठिई पन्नत्ता, तत्थ णं सव्वाणुभूइस्सवि देवस्स अट्ठारस सागरोवमाइं ठिई पन्नत्ता, से णं सव्वाणुभूई देवे ताओ देवलोगाओ आउक्खएणं भवक्खएणं ठिइक्खएणं जाव महाविदेहे वासे सिज्झिहिइ जाव अंतं करेहिइ। एवं खलु देवाणुप्पियाणं अंतेवासी कोसलजाणवए सुनक्खत्ते नामं अणगारे पगइभइए- जाव विणीए, से गं भंते ! तया गोसालेणं मंखलिपुत्तेण तवेणं तेएणं परिताविए समाणे कालमासे कालं किच्चा कहिं गए कहिं उववन्ने ? एवं खलु गोयमा ! ममं अंतेवासी सुनक्खत्ते नामं 'अणगारे पगइभद्दए जाव विणीए, से णं तया गोसालेणं मंखलिपुत्तेणं तवेणं तेएणं 'परिताविए समाणे जेणेव ममं अंतिए तेणेव उवागच्छइ २ त्ता वंदइ नमसइ वं० २ त्ता सयमेव पंच महन्वयाई आरुहेइ सयमेव पंच महव्वयाइं आरुहेत्ता समणा न्य समणीओ य खामेइ २ ता आलोइयपडिनंते समाहिपत्ते कालमासे कालं किच्चा उड़े चंदिमसूरिय जाव आणयपाणयारणकप्पे वीईवइत्ता-अञ्चुए कप्पे देवत्ताए उववन्ने, तत्थ णं अत्थेगइयाणं देवाणं वावीसं-सागरोवमाई ठिई पण्णत्ता, नत्थ ण सुनक्खत्तस्सवि देवस्स वावीसं सागरोवमाइं सेसं जहा सव्वाणुभूइस्स जाव अंतं “काहिइ ॥ ५५७ ॥ एवं खलु देवाणुप्पियाणं- अंतेवासी कुसिस्से गोसाले नाम मखलिपुत्ते से णं भंते ! गोसाले मंखलिपुत्ते कालमासे कालं किच्चा कहिं गए कहिं उववन्ने ? एवं खलु गोयमा! ममं अतेवासी कुसिस्से गोसाले नामं मंखलिपुत्ते समणघायए जाव छउमत्थे चेव कालमासे कालं किच्चा उड़े चंदिमसूरिय जाव अच्चुए कप्पे देवत्ताए उववन्ने, तत्थ णं अत्थेगइयाणं देवाणं वावीसं सागरोवमाई ठिई प०, तत्थ णं गोसालस्सवि देवस्स वावीस सागरोवमाई ठिई प० । से णं भंते ! गोसाले देवे ताओ देवलोगाओ आउक्खएणं ३ जाव कहिं उववजिहिइ ? गोयमा! इहेव जंबूदीवे २ भारहे वासे विंझगिरिपायमूले पुंडेसु जणवएसु सयदुवारे नयरे समु(सुम)इस्स रन्नो भद्दाए भारियाए कुच्छिसि पुत्तत्ताए पञ्चायाहिइ, से णं तत्थ नवण्हं मासाणं वहुपडिपुन्नाणं जाव वीइक्वंताणं जाव सुरूवे दारए पयाहिइ, रयणिं च णं से
