________________
सुत्तागमे
[ भगवई
अप्पपहे आकड्ढविकड्डि करेंमाणा महया २ संदेणं उग्घोसेमाणा २ एवं वदह-नो खलु देवाणुप्पिया ! गोसाले मंखलिपुत्ते जिणे जिणप्पलावी जाव विह (रइ) रिए, एस
गोसाले चैव मंखलिपुत्ते समणघायए जाव छउमत्थे चेव कालगए, समणे भगवं महावीरे जिणे जिणप्पलावी जाव विहरइ, अणिड्ढीअसक्कारसमुदएणं ममं सरीरगस्स नीहरणं करेजाह, एवं वदित्ता कालगए ||५५४ ॥ तए णं ते आजीविया -थेरा गोसालं मंखलिपुत्तं कालगयं जाणित्ता हालाहलाए कुंभकारीए कुंभकारावणस्स दुबारा पिति दु० २ त्ता हालाहलाए कुंभकारीए कुंभकारावणस्स बहुमज्झदेसभाए सावत्थि नयरिं आलिहंति सा० २ त्ता गोसालस्स मंखलिपुत्तस्स सरीरगं वामे पाए सुंबेणं बंधंति वा० २ ता तिक्खुत्तो मुहे उभंति २त्ता सावत्थीए नयरीए सिंघाडग जाव पहेसु आकड्ढविकड्ढि करेमाणा णीयं २ सद्देणं उग्घोसेमाणा २ एवं वयासी - नो खलु देवाणुप्पिया ! गोसाले मंखलिपुत्ते जिणे जिणप्पलावी जाव विहरिए, एस णं गोसाले चेव मंखलिपुत्ते समणधायए जावं छउमत्थे चेव कालगए, समणे भगवं महावीरे जिणे जिणप्पलावी जाव विहरइ, सवहपडिमोक्खणर्ग करेंति स० २ त्ता दोचंपि पूयासक्कारथिरीकरणट्टयाएं गोसालस्स मंखलिपुत्तस्स -वामाओ पायाओं सुंबं मुयंति सु० २त्ता हालाहलाए कुंभकारीए कुंभकारावणस्स दुवारवयणाई अवगुणति २ त्ता गोसालस्स मंखलिपुत्तस्स सरीरगं सुरभिणा गंधोदएणं ण्हाणेंति तं चेव जाव महंया २ इड्डीसक्कारसमुदएणं गोसालस्स मंखलिपुत्तस्स सरीरगस्स नीहरणं करेंति ॥ ५५५ ॥ तए णं समणे भगवं महावीरे अन्नया कयाइ सावत्थीओ नयरीओ कोट्टयाओ उज्जाणाओ पडिनिक्खमइ २ त्ता बहिया जणवयविहारं विहरइ । तेणं कालेणं तेणं समएणं मिंढियगामे नामं नयरे होत्था -वन्नओ, तस्स णं मेंढियगामस्स नयरस्स बहिया उत्तरपुरच्छिमे दिसीभाए एत्थ णं सालकोट्ठए नामं उज्जाणे होत्था वन्नओ जाव पुढविसिलापट्टओ, तस्स णं सालकोट्ठगस्स उज्जाणस्स अदूरसामंते एत्थ णं महेगे मालुयाकच्छए यावि होत्था किन्हे किन्होभासे जाव निकुरंबभूए पत्तिए पुप्फिए फलिए हरियगरेरिजमाणे सिरीए अईव २ उवसोभेमाणे २ चिट्ठइ, तत्थ णं मेंढियेगामे नयरे रेवई नाम गाहावइणी परिवसर अड्ढा जाव अपरिभूया, तए णं समणे भगवं महावीरे अन्नया कयाइ पुव्वाणुपुवि चरमाणे जाव जेणेव मेंढियगामे नयरे जेणेव सांण (ल) कोट्ठएउज्जाणे जाव परिसा पडिगया । तएं णं समणस्स भगवओ महावीरस्स सरीरगं विउले रोगायंके पाउ भूए उजले जाव दुरहियासे पित्तज्जरपरिगयसरीरे दाहवती यावि विहरइ, अवियाई लोहियवच्चापि पंकरेइ, चाउब्वन्नं वागरेइ एवं खलुं
७२८
