________________
वि० प० स० १४ उ०६] सुत्तागमे अणिट्ठा गंधा अणिठ्ठा रसा अणिट्ठा फासा अणिहा गई अणिट्ठा ठिई अणिढे लायन्ने अणिढे जसोकित्ती अणिढे उट्ठाणकम्मवलवीरियपुरिसकारपरक्कमें । असुरकुमारा दस ठाणाई पचणुव्भवमाणा विहरंति, तंजहा-इट्ठा सद्दा, इट्ठा रूवा जाव इठे उठाणकम्मवलवीरियपुरिसक्कारपरकमे, एवं जाव थणियकुमारा ॥ पुढविकाइया छट्ठाणाई पचणुव्भवमाणा विहरंति, तं०-इट्टाणिट्ठा फासा इट्टाणिट्ठा गई एवं जाव परकमे, एवं जाव वणस्सइकाइया । वेइंदिया सत्तट्ठाणाई पचणुब्भवमाणा विहरंति, तंजहा-इटाणिहा रसा सेसं जहा एगिदियाणं, तेइंदिया णं अट्टहाणाई पचणुब्भवमाणा विहरंति, तं०-इट्ठाणिट्टा गंधा सेसं जहा बेइंदियाणं, चउरिंदिया णं नवट्ठाणाई पचणुभवमाणा विहरंति, तं०-इटाणिहा रूवा सेस जहा तेइंदियाणं, पंचिदियतिरिक्खजोणिया दस ठाणाइं पचणुभवमाणा विहरंति, तंजहा-इट्ठाणिट्ठा सदा जाव परक्कमे, एवं मणुस्सावि, वाणमंतरजोइसियवेमाणिया जहा असुरकुमारा ॥ ५१५ ।। देवे णं भंते । 'महिड्डिए जाव महेसक्खे बाहिरए पोग्गले अपरियाइत्ता पभू तिरियपव्वयं वा तिरियभित्तिं वा उल्लंघेत्तए वा पल्लंघेत्तए वा ? गोयमा ! णो इणद्वे समटे । देवे णं भंते ! महिड्डिए जाव महेसक्खे बाहिरए पोग्गले परियाइत्ता पभू तिरिय जाव पल्लंघेत्तए वा ? हंता पभू । सेवं भंते ! सेवं भंते ! त्ति ॥ ५१६ ॥ चोदसमे सए पञ्चमो उद्देसो समत्तो।। - रायगिहे जाव एवं वयासी-नेरइया णं भंते ! किमाहारा किपरिणामा किंजोणिया किठिईया पण्णत्ता ? गोयमा नेरइया णं पोग्गलाहारा पोग्गलपरिणामा पोग्गलजोणिया पोग्गलट्ठिईया कम्मोवगा कम्मनियाणा कम्मट्टिईया कम्मुणा(चे)मेव विप्परियासमेंति, एवं जाव वेमाणिया ॥५१७॥ नेरइया णं भंते ! कि वीचिदव्वाई आहारेति अवीचिदव्वाइं आहारैति ? गोयमा ! नेरड्या वीचिव्वाइंपि आहारेति अवीचिदव्वाइंपि आहारैति, से केणटेणं भंते । एवं वुच्चइ नेरड्या वीचि० तं चेव जाव आहारेंति ? गोयमा ! जे णं नेरइया एगपएसूणाईपि दव्वाइं आहारेंति ते णं नेरइया वीचिदव्वाई आहारैति, जेणं नेरइया पडिपुन्नाइं दव्वाइं आहारेति ते णं नेरइया अवीचिदव्वाइं आहारेंति, से तेणटेणं गोयमा ! एवं वुच्चइ जाव आहारेंति, एवं जाव वेमाणिया आहारेति ॥ ५१८ ॥ जाहे णं भंते ! सक्ने देविंदे देवराया दिव्वाइं भोगभोगाइं भुंजिउंक्रामे भवइ से कहमियाणि पकरेइ ? गोयमा ! ताहे चेव णं से सक्के देविंदे देवराया एग मह नेमिपडिस्वर्ग विउव्वइ, एग जोयणसयसहस्सं आयामविक्खंभेणं तिन्नि जोयणसयसहस्साइं जाव अद्धंगुलं च किचिविसेसाहियं परिक्खेवेणं, तस्स णं नेमिपडिहवस्स उवरि वहुसमरमणिज्ने भूमिभागे पन्नत्ते
