________________
वि० प० स० १४ उ० २] सुत्तागमे
६९७
1
C
कवि णं भंते! उम्माए पण्णत्ते ? गोयमा ! दुविहे उम्माए पण्णत्ते, तंजहाजक्खावेसे य मोहणिजस्स य कम्मस्स उदएणं, तत्थ णं जे से जक्खावेसे से मुहवेयणतराए चेव सुहविमोयणतराए चेवं, तत्थ णं जे से मोहणिजस्स कम्मस्स उदएण से णं दुहवेयणतराए चेव दुहविमोयणतराए चेव ॥ नेरइयाणं भंते ! कवि उम्माए पण्णत्ते ? गोयमा ! दुविहे उम्माए पण्णत्ते, तंजहा- जक्खावेसे य मोहणिजस्स य कम्मस्स उदएणं, से केणट्टेणं भंते । एवं बुच्चइ नेरइयाणं दुविहे उम्माए पण्णत्ते, तंजहा - जक्खावेसे य मोहणिज्जस्स कम्मस्स उदएणं ? गोयमा ! देवे वा से असुभे पोग्गले पक्खिवेजा, से णं तेसिं असुभाणं पोग्गलाणं पक्खिवणयाए जक्खावेतं उम्मायं पाउणेजा, मोहणिज्जस्स वा कम्मस्स उदएणं मोहणिज्जं उम्मायं पाउणेजा, से तेणट्टेणं 'जाव उदएणं । असुरकुमाराणं भंते ! कइ विहे उम्माए पण्णत्ते ? एवं जहेव नेरइयाणं नवरं देवे वा से महिढियतराए चेव असुभे पोग्गले पक्खिवेजा, से णं तेसिं असुभाणं पोग्गलाणं पक्खिवणयाए जक्खा (ए) वेसं उम्मायं पाउणेज्जा, मोहणिजस्स वा सेसं तं चैव से तेणट्टेणं जाव उदएणं, एवं जाव थणियकुमाराणं, पुढविकाइयाणं जाव मणुस्साणं एएसिं जहा नेरइयाणं, वाणमंतरजोइसियवेमाणियाणं जहा असुरकुमाराणं ॥ ५०२ ॥ अत्थि णं भंते ! पजन्ने कालवासी वुट्टिकायं पकरेइ ? हंता अस्थि || जाहे णं भंते ! सक्के देविंदे देवराया वुद्धिकार्य काउंकामे भवइ से कहमियाणिं पकरेइ ? गोयमा । ताहे चेवणं से सक्ने देविंदे देवराया अभितरपरि (सा) सए देवे सद्दावेइ, तए णं ते अब्भितरपरिसगा देवा साविया समाणा मज्झिमपरिसए देवे सहावेंति, तए णं ते मज्झिमप'रिसगा देवा सद्दाविया समाणा बाहिरंपरिसए देवे सद्दावेंति, तए णं ते बाहिरपरिसगा देवा सद्दाविया समाणा वाहिरबाहिरगा देवा सहावेंति, तए णं ते वाहिरवा हिरंगा देवा सद्दाविया समाणा आभिओगिए देवे सद्दावेंति, तए णं ते जाव सद्दाविया समाणा वुट्टिकाइए देवे सद्दावेंति, तए णं ते वुट्टिकाइया देवा सद्दाविया समाणा चुट्ठिकार्यं पकरेंति, एवं खलु गोयमा ! सक्के देविंदे देवराया वुट्टिकायं पकरेइ ॥ अस्थि भंते! असुरकुमारावि देवा वुट्टिकायं पकरेंति ? हंता अस्थि, किं पत्तियन्न भंते ! असुरकुमारा देवा वुद्धिकार्यं पकरेंति ? गोयमा । जे इमे अरहंता भगवंता एएसि णं जम्मणमहिमासु वा निक्खमणमहिमासु वा णाणुष्पायमहिमासु वा, परिनिव्वाणमहिमासु वा, एवं खलु गोयमा ! असुरकुमारावि देवा वुद्धिकार्यं पकरेंति, एवं नागकुमारावि, एवं जाव थणियकुमारा, वाणमंतरजोइसियवेमाणिया एवं चेव ॥ ५०३ ॥ जाहे णं भंते ! ईसाणे देविंदे देवराया तमुक्कायं काउंकामे भवइ से
·
