________________
वि० प० स० १३ उ० ७] सुत्तागमे
६९३ वीचियमरणे खेत्तावीचियमरणे कालावीचियमरणे भवावीचियमरणे भावावीचियमरणे, दवावीचियमरणे णं भंते ! कइविहे पण्णत्ते ? गोयमा ! चउविहे पण्णत्ते, तंजहा-नेरइयदन्वावीचियमरणे, तिरिक्खजोणियदव्वावीचियमरणे, मणुस्सव्वावीचियमरणे, देवदवावीचियमरणे, से केणटेणं भंते ! एवं वुच्चइ नेरइयदव्वावीचियमरणे नेरइबव्वावीचियमरणे ? गोयमा! जण्णं नेरइया नेरइयदव्वे वट्टमाणा जाई दव्वाइं नेरइयाउयत्ताए गहियाई बद्धाइं पुट्ठाई कडाइं पट्टवियाई निविट्ठाई अभिनिविट्ठाइं अभिसमन्नागयाइं भवंति ताइं दव्वाइं आवी(चियं)ची अणुसमयं निरंतरं मरंतित्तिकट्ट से तेणढेणं गोयमा ! एवं वुच्चइ नेरइयंदवावीचियमरणे, एवं जाव देवदव्यावीचियमरणे । खेत्तावीचियमरणे णं भंते ! कइविहे पण्णत्ते ? गोयमा ! चउबिहे पण्णत्ते, तंजहा-नेरइयखेत्तावीचियमरणे जाव देवखेत्तावीचियमरणे, से केणटेणं भंते ! एवं वुच्चइ नेरइयखेत्तावीचियमरणे २? गोयमा ! जण्णं नेरइया नेरइयखेत्ते वट्टमाणा जाई दवाइं नेरइयाउयत्ताए एवं जहेव दवावीचियमरणे तहेव खेत्तावीचियमरणेवि, एवं जाव भावावीचियमरणे, 1 ओहिमरणे णं भंते ! कइविहे पण्णत्ते ? गोयमा । पंचविहे पण्णत्ते, तंजहा-दव्वोहिमरणे खेत्तोहिमरणे जाव.भावोहिमरणे । दव्वोहिमरणे णं भंते ! कइविहे पण्णत्ते ? गोयमा ! चउविहे पण्णत्ते, तंजहा-नेरइयदव्वोहिमरणे, जाव, देवदव्वोहिमरणे, से केणटेणं भंते ! एव वुचइ नेरइयदव्वोहिमरणे २ ? गोयमा! जणं नेरइया नेरइयदव्वे वट्टमाणा जाइं दव्वाइं संपयं मरंति जणं, नेरझ्या ताई दव्वाइं अणागए काले पुणोवि मरिस्संति, से तेणटेणं गोयमा । जाव व्वोहिमरणे, एवं तिरिक्खजोणिय० मणुस्स० देवदव्वोहिमरणेवि, एवं एएणं गमेगं खेत्तोहिमरणेवि कालोहिमरणेवि भवोहिमरणेवि भावोहिमरणेवि । आइंतियमरणे णं भंते ! पुच्छा, गोयमा ! पंचविहे पंन्नत्ते, तं०-दव्वाइंतियमरणे खेत्ताइंतियमरणे जाव भावाइंतियमरणे, दव्वाइंतियमरणे णं भंते ! कइविहे प० गोयमा! चउबिहे प० तं०-नेरइयदव्वाइंतियमरणे जाव देवदव्वाइंतियमरणे, से केगटेणं भंते ! एवं वुच्चई नेरइयदव्वाइंतियमरणे २ ? गोयमा.! जणं नेरइया नेरइयदव्वे वट्टमाणा जाइं दव्वाइं संपयं मरंति-जे णं नेरइया ताई दव्वाइ अणागए काले नो पुणोवि मरिस्संति, से तेणटेणं जाव मरणे, एवं तिरिक्ख० मणुस्स०.देवाइंतियमरणे, एवं खेत्ताईतियमरणेवि, एवं जाव भावाइंतियमरणेवि । वालमरणे णं. भंते ! कइविहे प० ? गोयमा ! दुवालसविहे प० तं०-वलयमरणे जहा खंदए जाव गिद्धपिढे ॥ पंडियमरणे णं भंते ! कइविहे पण्णत्ते ? गोयमा! दुविहे पण्णत्ते, तंजहा-पाओवगमणे य भत्तपच्चक्खाणे य । पाओवगमणे णं भंते ! कइविहे प० ? गोयमा ! दुविहे
