________________
૨૨
सुत्तागमे
[आयारे
परिग्गह, वीरायमाणा समुठाए, अविहिंसा सुव्वया दंता, पस्स दीणे उप्पइए पडिवयमाणे ॥ ३७८ ॥ वसट्टा कायरा य जणा लूसगा भवंति ॥ ३७९ ॥ अहमेगेसिं सिलोए पावए भवइ, से समणो भवित्ता विब्भते२ ॥ ३८० ॥ पास हेगे समनागएहि सह असमण्णागए, णसमाणेहिं अणममाणे विरतेहिं अविरते दविएहिं अदविए ॥ ३८१ ॥ अभिसमेचा पंडिए मेहावी णिठ्ठियठे वीरे आगमेणं सया परकमेज्जासि त्ति बेमि ॥ ३८२ ॥ चउत्थोद्दसो समत्तो॥
से गिहेसु वा, गिहतरेसु वा, गामेसु वा, गामंतरेसु वा, नगरेसु वा, नगरंतरेसु वा, जणवएसु वा, जणवयंतरेसु वा, गामजणवयंतरे वा गामणयरंतरे वा, णगरजगवयंतरे वा, संतेगतिया जणा लूसगा भवंति, अदुवा फासा फुसंति, ते फासे पुट्ठो धीरो अहियासए ओए समियदसणे ॥ ३८३ ॥ दयं लोगस्स, जाणित्ता पादीगं पडीगं, दाहीणं उदीगं, आइक्खे, विभये, किट्टे, पुव्ववी ॥ ३८४ ॥ से उद्विएसु वा, अणुठ्ठिएसु वा सुस्सूसमाणेसु पवेदए, संति, विरति, उवसमं, णिव्वाणं सोयं अजवियं मद्दवियं लाघवियं अणइवत्तियं ॥ ३८५ ॥ सव्वेसि पाणाणं सव्वेसि भूयागं सव्वेसि जीवाग सव्वेसि सत्तागं अणुवीइ भिक्खु धम्ममाइक्खेजा ॥३८६॥ अणुवीइ भिक्खु धम्ममाइक्खमाणे णो अत्ताणं आसाइजा, णो परं आसाइजा, णो अन्नाइं पाणाइं भूयाइं जीवाई सत्ताइं आसाएजा ॥ ३८७ ॥ से अणासादए अणासादमाणे वज्द्रमाणाणं पाणागं भूयाणं जीवाणं सत्तागं, जहा से दीवे असंदीणे एवं से भवति सरगं महामुणी ॥ ३८८ ॥ एवं से उठ्ठिए ठियप्पा अणिहे अचले चले अवहिस्से परिव्वए ॥ ३८९ ॥ संखाय पेसलं धम्म, दिठुिमं परिणिबुडे ॥३९०॥ तम्हा सगं ति पासह, गंथेहिं गढिया णरा विसण्णा कामकंता, तम्हा लूहाओ णो परिवित्तसेज्जा ॥ ३९१ ॥ जस्सिमे आरंभा सव्वतो सव्वप्पयाए सुपरिण्णाया भवंति तेसिंमे लूसिणो णो परिविनसंति से वंता कोहं च माणं च मायं च लोभं च, एस तुट्टे वियाहिते त्ति बेमि ॥ ३९२ ॥ कायस्स वियाघाए संगामसीसे वियाहिए, से हु पारंगमे मुणी, अविहम्ममाणे फलगावय४ि कालोवणीते कंखेजकालं जाव सरीर भेउत्ति बेमि ॥ ३९३ ॥ पंचमोद्देसो समत्तो॥
॥धूताक्खं छठमज्झयणं समत्तं ॥
महापरिण्णा णामं सत्तमज्झयणं वोच्छिण्णं
में चमि समणुनस्स वा असमणुन्नस्स वा असणं वा, पाणं वा, खाइमं वा, साइमं ना, मयंका, पचिगई, वा, कंबलं वा, पायपुंच्छणं वा णो पाएजा, णो णिमतिजा
