________________
६७२
सुत्तागमे.
[ भगवई
जस्स णं भंते! दवियाया तस्स कसायाया जस्स कसायाया तस्स दवियाया ? गोयमा ! जस्स दवियाया तस्स कसायाया सिय अस्थि सिय नत्थि, जस्स पुण कसायाया तस्स दवियाया नियमं अस्थि । जस्स णं भंते ! दवियाया तस्स जोगाया ? एवं जहा दवियाया कसायाया भणिया तहा दवियाया जोगीयावि भाणि - यव्वा । जस्स - णं भंते! दवियाया तस्स उवओगाया एवं सव्वत्थ पुच्छा भाणि - यव्वा, गोयमा ! जस्स दवियाया तस्स उवओगाया 'नियमं अत्थि, जस्सवि उवओगाया तस्सवि दवियाया नियमं अस्थि, जस्स दवियाया तस्स णाणाया भयणाए, जस्त पुण णाणाया तस्स दवियाया नियमं अस्थि, जस्स दवियाया तस्स दंसणाया नियमं अत्थि, जस्सवि दंसणाया तस्स दवियाया नियमं अत्थि, जस्स दवियाया तस्स चरित्ताया भयणाएं, जस्स पुण चरित्ताया तस्स दवियाया नियमं अस्थि, एवं वीरियाया एवि समं । जस्स णं भंते ! कसायाया तस्स जोगांया पुच्छा, गोयमा ! जस्स कसायाया तस्स जोगाया नियम अत्थि, जस्स पुण जोगाया तस्स कसायाया सिय अत्थि सिय नत्थि, एवं उवओगायाएव समं कंसायाया नेयव्वा, कसायायां य णाणाया य परोप्परं दोवि भइयव्वाओ, जहा कसायाया य उवओगाया य तहा कसायाया य दंसणाया य कसायाया य चरिताया य दोवि परोप्परं भइयव्वाओ, जहा कसायाया - य जोगाया य तहा कसायाया य वीरियाया य भाणियव्वाओ, एवं जहा कसायायाएँ वत्तव्वया भणिया तहा जोगायाएव उवरिमाहिं समं भाणि - यव्वा । जहा दवियायाए चत्तव्वया भणिया तहा उवओगायाएव उवरिल्लाहिं समं भाणियव्वा । जस्स नाणाया तस्स दंसणाया नियमं अत्थि, जस्स पुण दंसणाया तस्स णाणाया भयणाए, जस्स नाणाया तस्स चरिताया सिय अस्थि सिय नत्थि, जस्स पुण चरिताया तस्स नाणाया नियमं अस्थि, णाणाया वीरियाया दोवि परोप्परं भयगाए । जस्स दंसणाया तस्स उवरिमाओ दोवि भयगाए, जस्स पुण ताओ तस्स दंसणाया नियमं अत्थि । जस्स चरित्ताया तस्स वीरियाया नियमं अत्थि, जस्स पुण वीरियाया तस्स चरित्ताया सिय अत्थि सिय नत्थि ॥ एयासि णं भंते । दवियायाणं कसायायागं जाव वीरियायाण य कयरे २ जाव विसेसाहिया वा ? गोयमा ! सव्वत्थोवाओ चरित्तायाओ, नाणायाओ अनंतगुणाओ, कसायायाओ अगंतगुणाओ, जोगायाओ विसेसाहियाओ, वीरियायाओ विसेसाहियाओ; उवओगदवियदसणायाओ तिन्निवि तुलाओ विसेसाहियाओ ॥ ४६६ ॥ आया भंते ! नाणे अन्नाणे ? गोयमा ! आया सिय नाणे सिय अन्नाणे, णाणे पुण नियमं आया ॥ आया भंते | नेरइयाणं नाणे अन्ने नेरइयाणं नाणे ? गोयमा । - आया नेरइयाणं
