________________
वि० ५० स० १२ उ० ५]
सुत्तागमे
पण्णत्ते ? गोयमा ! पंचवन्ने पंचरसे दुगंधे चउफासे पण्णत्ते ॥ अह भंते ! माणे मदे दप्पे थंभे गव्वे अ(णु)त्तुक्कोसे परपरिवाए उक्कासे अवकासे उन्नए उन्नामे दुन्नामे १२, एस णं कइवन्ने ४ प० ? गोयमा ! पंचवन्ने जहा कोहे तहेव । अह भंते ! माया उवही नियडी वलए गहणे णूमे कके कुरूए जिम्हे किब्बिसे १० आयरणया गृहणया वंचणया पलिउंचणया साइजोगे य १५, एस णं कइवन्ने ४ प० ? गोयमा.! पंचवन्ने जहेव कोहे ॥ अह भंते ! लोभे इच्छा मुच्छा कंखा गेही तण्हा भिज्झा अभिज्झा आसासणया पत्थगया १० लालप्पणया कामासा भोगासा जीवियासा मरणासा नंदिरागे १६, एस णं कइवन्ने ४ प०१ गोयमा ! जहेव कोहे । अह भंते ! पेजे दोसे कलहे जाव मिच्छादसणसल्ले एस णं कइवन्ने ४ प०? जहेव कोहे तहेव जाव चउफासे ॥४४८॥ अह भंते ! पाणाइवायवेरमणे जाव परिग्गहवेरमणे, कोहविवेगे जाव मिच्छादसणसल्लविवेगे एस णं कइवन्ने जाव कइफासे पण्गत्ते ? गोयमा ! अवन्ने अगंधे अरसे अफासे पण्णत्ते ॥ अह भंते ! उप्पत्तिया वेणइया कम्मिया परिणामिया एस णं कइवन्ना-४ प०? तं चेच जाव अफासा पन्नत्ता ॥ अह भंते ! उग्गहे ईहा अवाए धारणा एस णं कइवन्ना ४ प० ? एवं चेव जाव अफासा पन्नत्ता ॥ अह भंते ! उठाणे कम्मे बले वीरिए पुरिसकारपरक्कमे एस णं कइवन्ने ४ प० १ तं चेव जाव अफासे पन्नत्ते । सत्तमे णं भंते । उवासंतरे कइवन्ने ४ प० ? एवं चेव जाव अफासे पन्नत्ते । सत्तमे णं भंते ! तणुवाए कावन्ने ४ प० ? जहा पाणाइवाए, नवरं अट्ठफासे पण्णत्ते, एवं जहा सत्तमे,तणुवाए तहा सत्तमे घणवाए घणोदही पुढवी, छठे उवासंतरे अवन्ने, तणुवाए जाव छठ्ठी पुढवी एयाइं अट्ठ फासाई, एवं जहा सत्तमाए पुढवीए वत्तव्वया भणिया तहा जाव पढमाए पुढवीए भाणियव्वं, जंबुद्दीवे २ जाव सयंभुरमणे समुद्दे, सोहम्मे कप्पे जाव ईसिपव्भारा पुढवी, नेरइयावासा जाव वेमाणियावासा एयाणि सव्वाणि अट्ठफासाणि । नेरइया णं भंते ! कइवन्ना जाव कइफासा पन्नत्ता 2 गोयमा । वेउब्बियतेयाई पड्डुच्च पंचवन्ना पंचरसा दुगंधा अहफासा.पण्णत्ता, कम्मगं पडुच्च पंचवन्ना पंचरसा दुगंधा चउफासा पण्णत्ता, जीवं पडुच्च अवन्ना जावं अफासा पण्णत्ता, एवं जाव थंणियकुमारा, पुढविकाइयाणं पुच्छा, गोयमा ! ओरालियतेयगाई पड्डुच्च पंचवन्ना जाव अट्ठफासा पण्णत्ता, कम्मगं पडुच्च जहा नेरइयाणं, जीवं पडुच्च तहेव, एवं जाव चउरिदिया, नवरं वाउकाइया ओरालियवेउव्वियतेयगाइं पडुच्चः पंचवन्ना जावं अट्ठफासा पण्णत्ता, सेसं जहा नेरइयाणं, पंचिदियतिरिक्खजोणिया जहां वाउकाइया, मणुस्साणं पुच्छा, गोयमा ! ओरालियवेउव्वियआहारगतेयगाइं पडुच्च पंचवन्ना जाव अहफासा पण्णत्ता, कम्मगं जीवं च पडुच्च जहा नेरइयाणं,वाणमंतरजोइसियवेमाणिया
