________________
सुत्तागमे
[ आयारे
आवंती केयावंती लोयंसि विप्परामुसंति अठ्ठाए अण्ठ्ठाए वा । एएस चेव विप्परामुसंति, गुरु से कामा, तओ से मारंते, जओ से मारते, तओ से दूरे, णेव से अंतो णेव से दूरे ॥ २६४ ॥ से पासति फुसियमिव कुसग्गे पणुन्नं णिवइतं वातेरितं, एवं वालस्स जीवियं मंदस्स अविजाणओ ॥ २६५ ॥ कूराई कम्माई वाले पकुव्वमाणे तेण दुक्खेण मूढे विपरियासमुवेति, मोहेण गब्धं मरणाइ एति, एत्थ मोहे पुणो पुणो ॥ २६६ ॥ संसयं परियाणतो संसारे परिण्णाते भवति, संसयं अपरिजाणओ संसारे अपरिण्णाते भवति ॥ २६७ ॥ जे छेए से सागारियं ण सेवइ ॥ २६८ ॥ कट्टु एवं अविजाणओ बितिया मंदस्स बालया ॥ २६९ ॥ लवा हुरत्था पडिलेहाए आगमित्ता आणविज्जा अणासेवणयत्ति बेमि ॥ २७० ॥ पासह एगे रुवे गिद्धे परिणिजमाणे, इत्थ फासे पुगो पुगो, आवंती केयावंती लोयंसि आरंभजीवी ॥ २७१ ॥ एएस चेव आरंभजीवी, इत्यवि वाले परिपच्चमाणे रमति पावेहि कम्मेहि असरणे सरगत्ति मण्णमाणे ॥ २७२ ॥ एहमेगेसि एगचरिया भवति, से बहुकोहे, बहुमाणे-बहुमाए - बहुलो हे बहुरए - बहुनडे - बहुसढे - बहुसंकप्पे, आसवसत्ती पलिउच्छन्ने उट्ठियवायं पवयमाणे “मा मे केइ अदक्खू" अण्णाणपमायदोसेणं, सययं मूढे धम्मं णाभिजाणाइ ॥ २७३ ॥ अट्टा पया माणव ? कम्मकोविया जे अणुवरया अविज्जाए पलिमुक्खमाहु आवट्टमेव अणुपरियÉतित्ति बेमि ॥ २७४ ॥ पढमोसो समत्तो ॥
१६
आवंती केयावंती लोए अणारंभजीविगो तेसु ॥ २७५ ॥ एत्थोवरए तं झोसमाणे "अयं संधीति” अदक्खु, जे इमस्स विग्गहस्स अयं खणेत्ति अन्नेसी ॥ २७६ ॥ एस मग्गे आरिएहि पवेदिते, उट्ठिए णो पमायए, जाणि त्तु दुक्खं पत्तेयं सायं ॥ २७७ ॥ पुढो छंदा इह माणवा, पुढो दुक्खं पवेदितं, से अविहिसमाणे अणवयमाणे, पुट्ठो फासे विप्पणुन्नए । एस समिया परियाए वियाहिते ॥ २७८ ॥ जे असत्ता पावेहि कम्मेहि उदाहु ते आयंका फुसंति इति उदाहु धीरे ते फासे पुट्टो अहियासइ ॥ २७९ ॥ से पुव्वं पेयं, पच्छापेयं भिउरधम्मं विद्धंसणधम्मं - अधुवं अणितियं असासयं चयावचइयं विप्परिण्णामधम्मं, पासह एयं रुवसंधिं ॥ २८० ॥ समुप्पेहमाणस्स इक्काययणरयस्स इह विप्पमुक्कस्स णत्थि मग्गे विरयस्सत्ति बेमि ॥ २८१ ॥ आवंती के यावंती लोगंसि परिग्गहावंती से अप्पं वा, बहुयं वा, अणुं वा, थूलं वा, चित्तमंतं वा, अचित्तमंतं वा एतेसु चेव परिग्गहावंती ॥ २८२॥ एवगेवेगेसि महव्भयं भवति, लोगवित्तं च णं उवेहाए ॥ २८३ ॥ एए संगे अविजाणतो से सुपडिबर्द्ध सृवणीयंति णच्चा, पुरिसा ! परमचक्खू विप्परिकमा, एतेसु
