________________
वि०प० स० ११ उ० १] सुत्तागमे
६२३ भंगा ५। ते णं भंते ! जीवा णाणावरणिजस्स कम्मस्स किं वेयगा अवेयगा? गोयमा! नो अवेयगा वेदए वा वेयगा वा एवं जाव अंतराइयस्स, ते णं भंते ! जीवा किं सायावेयगा असायावेयगा? गोयमा ! सायावेयए वा असायावेयए वा अट्ठ भंगा ६ । ते णं भंते ! जीवा णाणावरणिजस्स कम्मस्स किं उदई अणुदई ? गोयमा! नो अणुदई उदई वा उदइणो वा, एवं जाव अंतराइयस्स ७ ॥ ते णं भंते ! जीवा णाणावरणिज्जस्स कम्मरस किं उदीरगा० ? गोयमा ! नो अणुदीरगा उदीरए वा उदीरगा वा, एवं जाव अंतराइयस्स, नवरं वेयणिजाउएसु अट्ठ भंगा ८। ते णं भंते ! जीवा किं कण्हलेसा नीललेसा काउलेसा तेउलेसा ? गोयमा । कण्हलेसे वा जाव तेउलेसे वा कण्हलेस्सा वा नीललेस्सा वा काउलेस्सा वा तेउलेसा वा अहवा कण्हलेसे य नीललेस्से य एवं एए दुयासंजोगतियासंजोगचउक्कसंजोगेणं असीइ भंगा भवंति ९ ॥ ते णं भंते ! जीवा किं सम्मद्दिट्ठी मिच्छादिट्ठी सम्मामिच्छादिट्ठी ? गोयमा । नो सम्मदिट्ठी नो सम्मामिच्छादिट्ठी मिच्छादिट्ठी वा मिच्छादिहिणो वा १० । ते णं भंते । जीवा किं नाणी अन्नाणी ? गोयमा ! नो नाणी अण्णाणी वा अन्नाणिणो वा ११ । तेणं भंते ! जीवा किं मणजोगी वइजोगी कावजोगी ? गोयमा ! नो मणजोगी णो वइजोगी कायजोगी वा कायजोगिणो वा १२ । ते णं भंते ! जीवा किं सांगारोवउत्ता अणागारोवउत्ता ? गोयमा । सागारोवउत्ते वा अणागारोवउत्ते वो अट्ठ भंगा १३ । तेसि णं भंते ! जीवाणं सरीरगा कइवन्ना कइगंधा कइरसा कइफासा प० ? गोयमा । पंचवन्ना पंचरसा दुगंधा अठ्ठफासा प०, ते पुण अप्पणा अवन्ना अगंधा अरसा अफासा प० १४-१५ ॥ ते ण भते ! जीवा किं उस्सासा निस्सासा नो उस्सासनिस्सासा ? गोयमा ! उस्सासए वा १ निस्सासए वा २ नो उस्सासनिस्सासए वा ३ उस्सासगा वा ४ निस्सासगा पा ५ नो उस्सासनीसासगा वा ६, अहवा उस्सासए य निस्सासए य ४ अहवा उस्सासए य नो उस्सासनिस्सासए य ४ अहवा निस्सासए य नो उस्सासनीसासए य ४, अहवा ऊसासए य नीसासए य नो उस्सासनिस्सासए य अट्ठ भंगा, एए छव्वीस भंगा भवंति ॥१६॥ तेणं भंते ! जीवा कि आहारगा अणाहारगा ? गोयमा ! ना अणाहारगा आहारए वा अणाहारए वा एवं अट्ठ भंगा १७ । ते णं भंते । जीवा कि विरया अविरया विरयाविरया ? गोयमा ! नो विरया नो विरयाविरया अविरए . वा आवरया वा १८ । ते णं भंते ! जीवा किं सकिरिया अकिरिया ? गोयमा! नो आकरिया सकिरिए वा सकिरिया वा १९ । ते णं भंते । जीवा किं सत्तविहवंधगा अट्ठविहवंधगा? गोयमा! सत्तविहवंधए वा अट्टविहवंधए वा अट्ठ भंगा २० । ते
