________________
सुत्तागमे
६०९
णं तस्स जमालिस्स अणगारस्स एवं आइक्खमाणस्स जाव परुवेमाणस्स अत्येगइया समणा निग्गंथा एयमहं सहंति पत्तियंति रोयंति, अत्येगइया समणा निग्गंथा एयमहं णो सहहंति ३, तत्थ णं जे ते समणा निग्गंथा जमालिस्स अणगारस्स एयमहं सहंति ३ ते णं जमालिं चेव अगगारं उवसंपजित्ता णं विहरंति, तत्थ णं जे ते समणा णिग्गंथा जमालिरस अणगारस्स एयमहं णो सद्दति णो पत्तियंति णो रोति ते णं जमालिस्स अणगारस्स अंतियाओ कोट्टयाओ उज्जाणाओ पडिनिक्खमंति२ ता पुव्वाणुपुवि चरमाणा गामाणुगामं दूइजमाणा जेणेव चंपानयरी जेणेव पुन्नभद्दे उज्जाणे जेणेव समणे भगवं महावीरे तेणेव उवागच्छन्ति २ त्ता समणं भगवं महावीरं तिक्खुत्तो आयाहिणं पयाहिणं करेंति २ त्ता बंदंति णर्मसंति २ त्ता समणं भगवं महावीरं उवसंपज्जित्ता णं विहरति ॥ ३८५ ॥ तए णं से जमाली अणगारे अन्नया कयाइ ताओ रोगायंकाओ विप्पमुक्ते हट्टे तुट्ठे जाए अरोए वलियसरीरे सावत्थीओ नयरीओ कोट्टयाओ उज्जाणाओ पडिनिक्खमइ २ त्ता पुव्वाणुपुवि चरमाणे गामाणुगामं दृइज्नमाणे जेणेव चंपानयरी जेणेव पुन्नभद्दे उज्जाणे जेणेव समणे भगवं महावीरे तेणेव उवागच्छइ २ त्ता समणस्स भगवओ महावीरस्स अदूरसामंते ठिच्चा समणं भगवं महावीरं एवं वयासी - जहा णं देवाणुप्पियाणं वहवे अंतेवासी समणा निग्गंथा छउमत्था भवेत्ता छउमत्थावक्कमणेणं अवकता णो खलु अहं तहा चेव छउ - 'मत्थे भवित्ता छउमत्थावकमणेणं अवक्कमिए, अहन्नं उप्पन्नणाणदंसणवरे अरहा जिणे केवली भवित्ता, केवलिअवक्मणेणं अवक्कमिए, तए णं भगवं गोयमे जमालिं अणगारं एवं वयासी - णो खल जमाली ! केवलिस्स णाणे वा दंसणे वा सेलंसि वा थंभंसि वा थूभंसि वा आवरिज्जइ वा णिवारिजइ वा, जइ णं तुमं जमाली ! उप्पन्नणाणदंसणवरे अरहा जिणे केवली भवित्ता केवलिअवक्कमणेणं अवते तो णं इमाई दो वागरणाई वागरेहि-सासए लोए जमाली ! असासए लोए जमाली ? सासए जीवे जमाली ! असासए जीवे जमाली ? तए णं से जमाली अणगारे भगवया गोयमेणं एवं वृत्ते समाणे संकिए कंखिए जाव कलुससमावन्ने जाए यावि होत्था, णो संचाएइ भगवओ गोयमस्स किचिवि पमोक्खमाइक्खित्तए तुसिणीए संचिट्ठइ, जमालीति समणे भगवं महावीरे जमालिं अणगारं एवं वयासी-अत्थि णं जमाली ! ममं बहवे अंतेचासी समणा निग्गंथा छउमत्था जेणं पभू एवं वागरणं वागरित्तए जहा णं अहं, नो चेव णं एयप्पगारं भासं भासित्तए जहा णं तुमं, सासए लोए जमाली ! जन्न कयाइ णासि ण कयाइ ण भवइ ण कयाइ ण भविस्सइ भुविं च भवइ य भविस्सइ य धुवे णिइए सासए अक्खए अव्वए अवट्ठिए, णिचे, असासए लोए जमाली ! जओ
३९ सुत्ता०
वि०
० प० स० ९उ० ३३ ]
