Suttagame 01

SR No.: 010590
Original Sutra Author: N/A
Author: Fulchand Maharaj
Publisher: Sutragam Prakashan Samiti
Total Pages: 1314
Language: Prakrit
Classification: Book_Devnagari, Agam, Canon, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 89 MB

Page 656

सुत्तागमे
[भगवई रंगुलवज निक्खमणपओगे अग्गकेसे कप्पेइ । तए णं सा जमालिस्स खत्तियकुमारस्स माया हंसलक्खणेणं पडसाडएणं अग्गकेसे पडिच्छइ अग्गकेसे पडिच्छित्ता सुरभिणा गंधोदएणं पक्खालेइ सुरभिणा गंधोदएणं पक्खालेत्ता अग्गेहिं वरेहिं गंधेहिं मल्लेहिं अच्चेइ २ त्ता सुद्धवत्येणं बंधेइ सुद्धवत्थेणं बंधित्ता रयणकरंदगंसि पक्खिवइ २ त्ता हारवारिधारसिंदुवारछिन्नमुत्तावलिप्पगासाइं नुयविओगदूसहाई अंसई विणिम्मुयमाणी २ एवं वयासी-एस णं अम्हं जमालिस्त खत्तियकुमारस्त वहसु तिहीसु य पव्वणीसु य उस्सवेसु य जन्नेसु य छणेसु य अपच्छिमे दरिसणे भविस्सतीतिकट्ठ ओसीसगमूले ठवेइ, तए णं तस्स जमालिस्स खत्तियकुमारस्स अम्मापियरो दोच्चपि उत्तरावकमणं सीहासणं रयाति २ त्ता दोचपि जमालि खत्तियकुमारं सीयापीयएहिं कलसेहिं पहाणेति सीयापीयएहिं कलसेहि व्हावेत्ता पम्हलमुकुमालाए सुरभिएणं गंधकासाइएणं गायाइं लूहेंति सुरभिएणं गंधकासाइएणं गायाई ल्हेत्ता सरसेणं गोसीसचंदणेणं गायाइं अणुलिंपन्ति गायाइं अणुलिंपित्ता नासानिस्सासवायवोज्नं चक्खुहरं वन्नफरिसजुत्तं हयलालापेलवाइरेगं धवलं कणगखचियंतकम्म महरिहं हंसलक्खणपडसाडगं परिहिंति २ त्ता हारं पिणद्वेति २ त्ता अद्धहारं पिणद्धति २ त्ता० एवं जहा सूरियाभस्स अलंकारो तहेव जाव चित्तं रयणसंकडुकडं मउड पिणद्धेति, कि वहुणा गंथिमवेढिमपूरिमसंघाइमेणं चउव्विहेणं मल्लेणं कप्परुक्खगं पिव अलंकियविभूसियं करेंति । तए णं से जमालिस्स खत्तियकुमारस्स पिया कोडंबियपुरिसे सद्दावेइ सदावेत्ता एवं वंयासी-खिप्पामेव भो देवाणुप्पिया ! अणेगखंभसयसन्निविटं लीलट्ठियसालिभंजियागं जहा रायप्पसेणइजे विमाणवन्नओ जाव मणिरयणघंटियाजालपरिक्खित्तं पुरिससहस्सवाहिणीयं सीयं उवट्ठवेह उवट्ठवेत्ता मम एयमाणत्तियं पञ्चप्पिणह, तए णं ते कोडंवियपुरिसा जाव पञ्चप्पिणति । तए णं से जमाली खत्तियकुमारे केसालंकारेणं वत्थालंकारेणं मलालंकारेणं आभरणालंकारेणं चउनिहेणं अलंकारेणं अलंकारिए समाणे पडिपुन्नालंकारे सीहासंणाओ अब्भुढेइ सीहासणाओ अब्भुढेत्ता सीयं अणुप्पयाहिणीकरेमाणे सीयं दुल्हइ २ त्ता सीहासणवरंसि पुरत्याभिमुहे सन्निसण्णे । तए णं तस्स जमालिस्स खत्तियकुमारस्स माया ण्हाया जाव सरीरा हंसलक्खणं पडसाडगं गहाय सीयं अणुप्पयाहिणीकरेमाणी सीयं दुरूहइ सीयं दुरूहित्ता जमालिस्स खत्तियकुमारस्स दाहिणे पासे भद्दासणवरंसि संनिसन्ना, तए णं तस्स जमालिस्स खत्तियकुमारस्स अम्मधाई व्हाया जाव सरीरा रयहरणं च पडिग्गहं च गहाय सीयं अणुप्पयाहिणी करेमाणी सीयं दुरूहइ सीयं दुरूहित्ता जमालिस्स खत्तियकुमारस्स वामे पासे भद्दासणवरंसि संनिसन्ना । तए णं