________________
सुत्तागमे
[भगवई ६०२ च ते जाया ! अजयपजय जाव पव्वइहिसि, एवं खलु अम्मताओ! हिरन य सुवन्ने य जाव सावएजे अग्गिसाहिए चोरसाहिए रायसाहिए मचुसाहिए दाइयसाहिए अग्गिसामन्ने जाव दाइयसामन्ने अधुवे अणिइए असासए पुचि वा पच्छा वा अवस्सं विप्पजहियव्वे भविस्सइ, से केस णं जाणइ तं चेव जाव पव्वइत्तए । तए णं तं जमालिं खत्तियकुमारं अम्मताओ जाहे नों संचाएन्ति विसयाणुलोमाहिं वहहिं , आघवणाहि य पन्नवणाहि य सन्नवणाहिं य विनवणाहि य आघवेत्तए वा पन्नवेत्तए वा सन्नवेत्तए वा विनवेत्तए वा ताहे विसयपडिकूलाहि संजमभयउव्वेयणकराहिं पन्नवणाहिं पनवेमाणा एवं वयासी-एवं खलु जाया ! निग्गंथे पावयणे सच्चे अणुत्तरे केवले जहा आवस्सए जाव सव्वदुक्खाणमंतं करेंति अहीव एगंतदिट्टीए खुरो इव एगंतधाराए लोहमया जवा चावेयव्वा वालुयाकवले इव निस्सा(रे)ए गंगा वा महानई पडिसोयगमणयाए महासमुद्दोव्व भुयाहि दुत्तरो तिक्खं कमियव्वं ग(गु)त्यं लंबेयव्वं असिधारगं वयं चरियव्वं, नो खल कप्पड़ जाया । समणाणं निग्गंथाणं आहाकम्मिएइ वा उद्देसिएइ वा मिस्सजाएइ वा अज्झोयरएइ वा पूइएइ वा कीएइ वा पामिच्चेइ वा अच्छेनेइ वा अणिसिढेई वा अभिहडेइ वा कंतारभत्तेइ वा दुभिक्खभत्तेई वा गिलाणभत्तेइ वा वलियाभत्तेइ वा पाहुणगभत्तेइ वा सेज्जायरपिंडेइ वा रायपिंडेइ वा मूलभोयणेइ वा कंदभोयणेइ वा फलभोयणेइ वा वीयभोयणेइ वा हरियभोयणेइ वा भुत्तए वा पायए वा, तुमं च णं जाया ! सुहसमुचिए णो चेव ण दुहसमुचिए नालं सीयं नालं उण्हं नालं खुहा नालं पिवासा नालं चोरा नालं वाला नालं दंसा नालं मसगा नालं वाइयपित्तियसेंभियसन्निवाइए विविहे रोगायंके परीसहोवसग्गे उदिन्ने अहियासेत्तए; तं नो खलु जाया ! अम्हे इच्छामो तुझं खणमवि विप्पओगं तं अच्छाहि ताव जाया! जाव ताव अम्हे जीवामो, तओ पच्छा अम्हेहि कालगएहिं जाव पव्वइहिसि । तए णं से जमाली खत्तियकुमारे अम्मापियरो एवं वयासीतहावि णं तं अम्म ! ताओ । जन्नं तुज्झे ममं एवं वयह-एवं खलु जाया ! निग्गंथे पोवयणे सच्चे अणुत्तरे केवले तं चेव जाव पव्वइहिसि, एवं खलु अम्मताओ! निग्गंथे पावयणे कीवाणं कायराणं कापुरिसाणं इहलोगपडिवद्धाणं परलोगपरंमुहागं विसयतिसियाणं दुरणुचरे पागयजणस्स, धीरस्स निच्छियस्स ववसियस्स नो खलु एत्थं किचिवि दुक्करं करणयाए, तं इच्छामि णं अम्म ! ताओ ! तुब्भेहिं अब्भणुनाए समाणे समणस्स भगवओ महावीरस्स जाव पव्वइत्तए । तए णं तं जमालिं खत्तियकुमारं अम्मापियरो जाहे नो संचाएंति विसयाणुलोमाहि य विसयपडिकूलाहि य बहूहिं आघवणाहि य पन्नवणाहि य ४ आघवेत्तए वा जाव विन्नवेत्तए वा ताहे अकामए
