________________
सुत्तागमे
[भगवई ૭૨ दव्वदेसे य ७ उदाहु दव्वाइं च दव्वदेसा य ८ ? गोयमा ! सिय दव्वं सिय दव्वदेसे नो दवाइं नो दव्वदेसा नो दव्वं च दव्वदेसे य जाव नो दव्वाइं च दव्वदेसा य ॥ दो भंते ! पोग्गलत्थिकायपएसा किं दव्वं दव्वदेसे ? पुच्छा तहेव, गोयमा । सिय दव्वं १ सिय दव्वदेसे २ सिय दव्वाइं ३ सिय दव्वदेसा ४ सिय दव्वं च दव्वदेसे य ५ नो दव्वं च दव्वदेसा य ६ सेसा पडिसेहेयव्वा ॥ तिन्नि भंते ! पोग्गलत्थिकायपएसा किं दव्वं दव्वदेसे० ? पुच्छा, गोयमा ! सिय दव्वं १ सिय दव्वदेसे २ एवं सत्त भंगा भाणियव्वा जाव सिय दव्वाइं च दव्वदेसे य नो दव्वाइं च दव्वदेसा य । चत्तारि भंते । पोग्गलत्थिकायपएसा किं दव्वं? पुच्छा, गोयमा ! सिय दव्वं १ सिय दव्वदेसे २ अट्ठवि भंगा भाणियव्वा जाव सिय दवाइं च दव्वदेसा य ८ । जहा चत्तारि भणिया एवं पंच छ सत्त जाव संखेज्जा असंखेजा। अगंता भंते ! पोग्गलत्थिकायपएसा किं दव्वं० ? एवं चेव जाव सिय दव्वाइं च दव्वदेसा य॥३५६॥ केवइया णं भंते ! लोयागासपएसा प० ? गोयमा ! असंखेज्जा लोयागासपएसा प० ॥ एगमेगस्स णं भंते ! जीवस्स केवइया जीवपएसा प० ? गोयमा! जावइया लोगागासपएसा एगमेगस्स णं जीवस्स एवइया जीवपएसा पण्णत्ता ॥३५७॥ कइ णं भंते ! कम्मपगडीओ पण्णत्ताओ? गोयमा ! अट्ठ कम्मपगडीओ पण्णत्ताओ, तंजहा-नाणावरणिजं जाव अंतराइयं, नेरइयाणं भंते! कइ कम्मपगडीओ पण्णत्ताओ ? गोयमा ! अट्ट, एवं सव्वजीवाणं अट्ठ कम्मपगडीओ ठावेयव्वाओ जाव वेमाणियाणं । नाणावरणिजस्स णं भंते ! कम्मस्स केवइया अविभागपलिच्छेया प०? गोयमा ! अणंता अविभागपलिच्छेया प०, नेरइयाणं भंते ! णाणावरणिजस्स कम्सस्स केवइया अविभागपलिच्छेया प०? गोयमा! अणंता अविभागपलिच्छेया प०, एवं सव्वजीवाणं जाव वेमाणियाणं पुच्छा, गोयमा ! अणंता अविभागपलिच्छेया प०, एवं जहा णाणावरणिज्जस्स' अविभागपलिच्छेया भणिया तहा अट्ठण्हवि कम्मपगडीणं भाणियव्वा जाव वेमाणियाणं अंतराइयस्स ।- एगमेगस्स णं भंते ! जीवस्स एगमेगे जीवपएसे णाणावरणिज्जस्स कम्मस्स केवइएहिं अविभागपलिच्छेएहिं आवेढिए परिवेढ़िए ? गोयमा! सिय ; आवेढियपरिवेढिए सिय नो आवेढियपरिवेढिए, जइ आवेढियपरिवेढिए-नियमा अणंतेहिं, एगमेगस्स णं -भंते ! नेरइयस्स एगमेगे जीवपएसे णाणावरणिजस्स कम्मस्स केवइएहिं अविभागपलिच्छेएहिं आवेढिए परिवेढिए ? गोयमा ! - नियमा अणंतेहिं, जहा नेरइयस्स एवं जाव वेमाणियस्स, नवरं मणूसस्स जहा जीवस्स । एगमेगस्स णं भंते ! जीवस्स एगमेगे जीवपएसे दरिसणावरणिजस्स कम्मस्स केवइएहिं० एवं जहेव नाणावरणिजस्स
