________________
सुत्तागमे
५५६
[भगवई णं ते थेरा भगवतो अन्नउत्थिए एवं पडिहणेन्ति पडिहणित्ता गइप्पवायनामं अज्झयणं पन्नवइंसु ॥ ३३६ ॥ कइविहे णं भंते ! गइप्पवाए पण्णत्ते ? गोयमा ! पंचविहे गइप्पवाए पण्णत्ते, तंजहा-पओगगई, ततगई, वंधणछेयणगई, उववायगई, विहायगई, एत्तो आरब्भ पओगपयं निरवसेसं भाणियव्वं, जाव सेत्तं विहायगई । सेवं भंते ! सेवं भंते ! ति ॥ ३३७ ॥ अट्टमसयस्स सत्तमो उद्देसो समत्तो॥ ___ रायगिहे नयरे जाव एवं वयासी-गुरूणं भंते! पडुच्च कइ पडिणीयापण्णत्ता ? गोयमा ! तओ पडिणीया पण्णत्ता, तंजहा-आयरियपडिणीए, उवज्झायपडिणीए, थेरपडिणीए ॥ गई णं भंते ! पडुच्च कइ पडिणीया पण्णत्ता ? गोयमा ! तओ पडिणीया पण्णत्ता, तंजहा-इहलोगपडिणीए, परलोगपडिणीए, दुहओलोगपडिणीए ॥ समूहणं भंते ! पडुच कइ पडिणीया पण्णत्ता? गोयमा! तओ पडिणीया पण्णत्ता, तंजहा-कुलपडिणीए, गणपडिणीए, संघपडिणीए ॥,अणुकंपं भंते! पडुच्च० पुच्छा, गोयमा ! तओ पडिणीया पण्णत्ता, तंजहा-तवस्सिपडिणीए, गिलाणपडिणीए, सेहपडिणीए ॥ सुयण्णं भते ! पडुच्च पुच्छा, गोयमा! तओ पडिणीया पण्णत्ता, तंजहा-सुत्तपडिणीए, अत्थपडिणीए, तदुभयपड़िणीए । भावं णं भंते ! पडुच्च पुच्छा, गोयमा ! तओ पडिणीया पन्नत्ता, तंजहा-नाणपडिणीए, दंसणपडिणीए, चरित्तपडिणीए ॥३३८॥ कइविहे णं भंते ! 'ववहारे पन्नत्ते ? गोयमा । पंचविहे. ववहारे पन्नत्ते, तंजहाआगमे, सुए, आणा, धारणा, जीए, जहा से तत्थ आगमे सिया आगमेणं ववहारं पट्ठवेजा, णो य से तत्थ आगमे सिया जहा से तत्थ सुए सिया सुएणं ववहारं पट्ठवेज्जा, णो य से तत्थ सुए सिया जहा से तत्थ आणा सिया आणाए ववहारं पटवेजा, णो य- से तत्थ आणा सिया जहा से तत्थ धारणा सिया धारणाए ववहारं पट्टवेजा, णो य से तत्थ धारणा सिया जहा से तत्थ जीए सिया जीएण ववहारं पढ़वेजा, इच्चेएहि पंचहिं ववहारं पट्ठवेजा, तंजहा-आगमेणं, सुएणं, आणाए, धारणाए; जीएणं, जहा २ से आगमे सुए आणा धारणा जीए तहा २ ववहार पट्टवेजा ॥ से किमाहु भंते ! आगमबलिया समणा निग्गंथा इच्चयं पंचविहं ववहार जहा २ जहि २ तहा २ तहिं २ अणिस्सिओवसियं सम्मं ववहरमाणे समणे निग्गर्थ आणाए आराहए भवइ ॥ ३३९ ॥ कइविहेणं भंते । बंधे पण्णत्ते ? गोयमा! दुविहे वंधे पन्नत्ते, तंजहा-इरियावहियवंधे य संपराइयवंधे य । इरियावहियण्ण भंते । कम्म कि नेरइओ वंधइ तिरिक्खजोणिओ वंधइ तिरिक्खजोणिणी बंधइ मणुस्सो बंधइ मणुस्सी बंधइ देवो वंधइ देवी वंधइ ? गोयमा ! नो नेरइओ वंधइ नो तिरिक्खजोणिओ बंधइ नो तिरिक्खजोणिणी वंधइ नो- देवो वंधइ नो देवी बंधइ,
