________________
वि० ५० स० ८ उ०६] सुत्तागमे
समणोवासगस्स णं भंते ! तहास्वं समणं वा माहणं वा फासुएसणिजेणं असगपाणखाइमसाइमेणं पडिलाभमाणस्स किं कज्जइ ? गोयमा। एगंतसो 'निजरा कज्जइ नत्थि 'य से पावे कम्मे कज्जइ । समणोवासगस्स णं भंते ! तहारूवं समणं वा माहणं वा अफासुएणं अणेसणिज्जेणं असणपाण जाव पडिलाभमाणस्स किं कज्जइ ? गोयमा ! बहुतरिया से निजरा कज्जइ अप्पतराए से पावे कम्मे कज्जई । समणोवासगस्स णं मंते! तहालवं असंजयअविरयअपडिहयपञ्चक्खायपावकम्मं फासुएण वा अफासुएण वा एसणिजेण वा अणेसणिजेण वा असणपाण जाव कि कजइ ? गोयमा ! एगंतसो से पावे कम्मे कजइ नत्यि से काइ निजरा कन्नइ, [मोक्खत्यं जं दाणं, तं पइ एसो विही समक्खाओ। अणुकंपादाणं पुण, जिणेहिं न कयाइ पडिसिद्ध]॥३३१॥ निगंयं च णं गाहावइकुलं पिंडवायपडियाए अणुप्पविलु केइ दोहिं पिंडेहिं उवनिमंते
जा-एग आउसो ! अप्पणा भुंजाहि एग थेराणं दलयाहि,से य तं पिण्डं पडिग्गाहेजा, थेरा य से अणुगवेसियव्वा लिया जत्थेव अणुगवेसमाणे थेरे पासिज्ज तत्थेव अणुप्पदायव्वे सिया नो चेवणं अणुगवेसमाणे थेरे पासिज्जा तं नोअप्पणा भुंजेजा नो अन्नेसिं दावए एगते अणावाए अचित्त वहुफासुए थंडिल्ले पडिलेहेत्ता पमज्जित्ता परिहावेयव्वे सिया । निग्गंथं च णं गाहावइकुलं पिडवायपडियाए अणुप्पविलु केइ तिहिं पिंडेहिं उवनिमंतेजा-एगं आउसो ! अप्पणा भुंजाहि दो थेराणं दलयाहि, से य तं पडिग्गाहेज्जा, थेरा य से अणुगवेसेयवा सेसं तं चेव जाव परिहावेयव्वे सिया, एवं जाव दसहिं पिंडेहिं उवनिमंतेजा नवरं एगं आउसो ! अप्पणा भुंजाहि नव थेराणं दलयाहि सेसं तं चेव जाव परिहावेयव्वे सिया। निग्गंथं च णं गाहावइकुलं जाव केइ दोहिं पडिग्गहेहिं उवनिमंतेजा एगं आउसो ! अप्पणा पडिभुंजाहि एग थेराणं दलयाहि, से य तं पडिग्गाहेजा, तहेव जाव तं नो अप्पणा पडिभुजेजा नो अन्नेसि दावए सेसं तं चेव जाव परिहावेयव्वे सिया, एवं जाव दसहिं पडिग्गहेहिं, एवं जहा पडिग्गहवत्तव्वया भणिया एवं गोच्छगरयहरणचोलपट्टगकंवललट्ठिसंथारगवत्तव्वया य भाणियन्वा जाव दसहि संथारएहिं उवनिमंतेजा जाव परिहावेयव्वे सिया ॥ ३३२ ॥ निग्गंण य गाहावइकुलं पिंडवायपडियाए पविटेणं अन्नयरे अकिञ्चट्ठाणे पडिसेविए, तस्स णं एवं भवइ-इहेव ताव अहं एयस्स ठाणस्स आलोएमि पडिकमामि निंदामि गरिहामि विठट्टामि विसोहेमि अकरणयाए' अब्भुटेमि अहारिहं पायच्छित्तं तवोकम्म पडिवज्जामि, तओ पच्छा थेराणं 'अंतियं आलोएस्सामि जाव तवोकम्म पडिवज्जिस्सामि, से य संपट्ठिए असंपत्ते थेरा य पुवामेव अमुहा सिया से णं भंते ! किं आराहए विराहए ? गोयमा ! आराहए नो विरा
