________________
वि०
० प०, स० ८ उ०२ ]
सुत्तागमे
O
बोहियनाणी य- सुयनाणी य, जे तिन्नाणी ते आभिणिवोहियनाणी सुयनाणी ओहि नाणी अहवां : आभिणिवोहियनाणी सुयनाणी मणपजवनाणी, जे चउनाणी ते आभिणिवोहियनांणी सुयनाणी ओहिनाणी मणपजवनाणी, जे एगनाणी ते नियमा केवलनाणी, जे अन्नाणी ते अत्येगइया दुअन्नाणी अत्थेगइया तिअन्नाणी, जे दुअनाणी ते मइअन्नाणी य सुयअन्नाणी य, जे तियअन्नाणी ते मइअन्नाणी सुयअंन्नाणी विभंगनाणी । नेरइया णं भंते । किं नाणी अन्नाणी ? गोयमा ! नाणीव अन्नाणीवि, जे नाणी ते नियमातिन्नाणी, तंजहा - आभिणिवोहि सुयनाणी ओहिनाणी, जे अन्नाणी ते अत्येगइया दुअन्नाणी अत्थेगईया तिअन्नाणी, एवं तिन्नि अन्नाणाणि भयणाए । असुरकुमारा णं भंते ! कि नाणी अन्नाणी ?, जहेव नेरइया तहेव तिन्नि नाणाणि नियमा, तिन्नि अन्नाणाणि भेयणाएं, एवं जाव थणियकुमारा । पुढविकाइया णं भंते! कि नाणी अन्नाणी ?, गोयमा ! नो नाणी अन्नाणी, जे अन्नाणी ते नियमा दुअन्नाणी - मइअन्नाणी य सुयअन्नाणी य, एवं जाव वणस्संइकाइया । वेइंदियाणं पुच्छा, गोयमा । णाणीव अन्नाणीवि, जे नाणी ते नियमा दुन्नाणी, तंजहा - आभिणिवोहियनाणी व सुयनाणी य, जे अन्नाणी ते नियमा दुअन्नाणी तं० आभिणिवोहियअन्नाणी सुयअन्नाणी, एवं तेइंदियचडरिंदियावि, पंचिंदियतिरिक्खजो० पुच्छा, गोयमा ! नाणीव अन्नाणीवि, जे नाणी ते अत्थे • दुन्नाणी अत्थे तिन्नाणी एवं तिन्नि नाणाणि तिन्नि अन्नाणाणि र्य भयणाए । मणुस्सा जहा जीवा तहेव पंच नाणाणि तिन्नि अन्नाणाणि भयणाए । वाणमंतरा जहा ने०, जोइ - सियवेमाणियाणं तिन्नि नाणाई तिन्नि अन्नाणारं नियमा । सिद्धा णं भंते ! पुच्छा, गोयमा ! णाणी नो अन्नाणी, नियमा एंगनाणी केवलनाणी ॥ ३१७ ॥ निरयगइया णं भंते! जीवा किं नाणी अन्नाणी ?, गोयमां ! नाणीव अन्नाणीवि, तिन्नि नाणाई नियमा तिन्नि अन्नाणाई भयणाए । तिरियगइयां णं भंते ! जीवा कि नाणी अन्नाणी ?, गोयमा ! दो नाणाई दो अन्नाणाई निर्यमा । मणुस्सगइया णं भंते ! जीवा किं नाणी अन्नाणी ?, गोयमा 1 तिन्नि नाणाई भयणाए दो अन्नाणाईं नियमां, देवगइया जहा निरयगइया । सिद्धगड्या णं भंते ! जहा सिद्धा ॥ सइंदिया णं भंते! जीवा किं नाणी अन्नोणी ?, गोयमा ! चत्तारि नाणाई तिन्नि अन्नाणाई भयणाए । एगिंदिया णं भंते ! जीवा कि नाणी० ?, जहां पुढविकाइया, बेइंदियतेइंदियचउरिदियाणं दो नाणाई दो अन्नाणाई नियमां । पंचिंदिया जहा सइंदियां । आणिदिया णं भंते ! जीवा किं नाणी० ?, जहा सिद्धा ॥ सकाइया णं भंते ! जीवा किं नाणी अन्नाणी ?, गोयमा ! पंच नाणाणि तिन्नि अन्नाणाई भयणाए । पुढविकाइया
O
4
५४१
