________________
सुत्तागमे
[भगवई ५४० माणियदेवकम्मासीविसे किं सोहम्मकप्पोव० जाव कम्मासीविसे जाव अच्चुयकप्पोवग जाव कम्मासीविसे ?, गोयमा ! सोहम्मकप्पोववण्णगवेमाणियदेवकम्मासीविसेवि जाव सहस्सारकप्पोववण्णगवेमाणियदेवकम्मासीविसेवि, नो आणयकप्पोचवण्णग० जाव नो अञ्चयकंप्पोववण्णगवेमाणियदेव०, जइ सोहम्मकप्पोववण्णग जाच कम्मासीविसे किं पजत्तसोहम्मकप्पोववण्णगवेमाणिय० अपज्जत्तगसोहम्मक० ?, गोयमा! नो - पजत्तसोहम्मकप्पोक्वण्णगवेमाणिय० अपज्जत्तसोहम्मकप्पोववण्णगवेमाणियदेवकम्मासीविसे, एवं जावं नो पजत्तसहस्सारकप्पोववण्णगवेमाणियदेवकम्मासीविसे, अपज्जत्तसहस्सारकप्पोववण्णग जाव कम्मासीविसे ॥ ३१५ ॥ दस ठाणाई छउमत्थे सवभावेणं न जाणइ न पासइ, तंजहा-धम्मत्यिकायं १ अधम्मत्यिकायं-२ आगासत्थिकायं ३ जीवं असरीरंपडिवद्धं ,४. परमाणुपोग्गलं ५ सई ६-गंधं ७ वायं - ८ अयं जिणे भविस्सइ ण वा भविस्सइ ९ अयं सव्वदुक्खाणं अंतं. करिस्सइन वा करेस्सइ १० ॥. एयाणि चेव उप्पन्ननाणदंसणधरे अरहा जिणे केवली सव्वभावेणं जाणइ पासइ, 'तंजहा-धम्मत्थिकायं जाव करेस्सइ न वा करेस्सइ॥ ३१६ ॥ कइविहे णं भंते ! नाणे पन्नत्ते ?, गोयमा ! पंचविहे नाणे पन्नत्ते, तंजहा-आभिणिवोहियनाणे सुयनाणे ओहिनाणे मणपजवनाणे केवलनाणे; से कि, - आभिणिवोहियनाणे ?, आभिणिवोहियनाणे चउविहे पन्नत्ते, तंजहा-उग्गहो-ईहा अवाओ धारणा, एवं जहा रायप्पसेणीए णाणाणं भेओ तहेव इहावि भाणियव्वो जाव सेत्तं केवलनाणे ॥ अन्नाणे णं भंते ! कइविहे पण्णत्ते, गोयमा ! तिविहे पण्णत्ते, तंजहा-मइअन्नाणे सुयअन्नाणे विभंगणाणे । से किं तं मइअन्नाणे ?, २ चउन्विहे पण्णत्ते, तंजहा-उग्गहो जाव धारणा । से किं तं उग्गहे ?, २ दुविहे पण्णत्ते, तंजहा-अत्थोग्गहे य वंजणोग्गहे य, एवं ,जहेव आभिणिबोहियनाणं तहेव, नवरं एगट्ठियवजं जाव नोइंदियधारणा, सेत्तं, धारणा, सेत्तं मइअन्नाणे । से किं तं सुयअन्नाणे ?, २ जं इमं अन्नाणिएहि मिच्छद्दिहिएहिं जहा नंदीए जाव चत्तारि वेया संगोवंगा, सेत्तं सुयअन्नाणे । -से कि तं-विभंगनाणे १, २ अणेगविहे पण्णत्ते, तंजहा-गामसंठिए नगरसंठिए जाव संनिवेससंठिए दीवसंठिए समुद्दसंठिए वाससंठिए वासहरसंठिए पव्वयसंठिए रुक्खसंठिए थूभसंठिए हयसंठिए गयसंठिए नरसंठिए किनरसंठिए किपुरिससंठिए महोरगसंठिए गंधदसंठिए उसभसंठिए पसुपसयविहगवानरणाणासंठागसंठिए पण्णत्ते ॥ जीवा णं भंते किं नाणी अन्नाणी, गोयमा ! जीवा नाणीवि अन्नाणीवि, जे नाणी ते अत्थेगईंया दुन्नाणी अत्थेगइया तिन्माणी - अत्थेगइया चउनाणी अत्थेगइया एगनाणी, जे-दुन्नाणी ते आभिणि
