________________
सुत्तागमे
[भगवई विक्खंभेणं जोयणं उ8 उच्चत्तेणं तं तिउणं सविसेसं परिरएणं, से णं एगाहियवेयाहियतेयाहिंय उक्कोसं सत्तरत्तप्परूढाणं संमढे संनिचिए भरिए वालग्गकोडीणं [ते], से णं वालग्गे नो अग्गी दहेजा नो वाऊ हरेजा नो कुत्थेजा नो परिविद्धंसेज्जा नो पूइत्ताए हव्वमागच्छेज्जा, तओ णं वाससए २ एगमेगं वालग्गं अवहाय जाव. इएणं कालेणं से पल्ले ख्रीणे नीरए - निम्मले निट्ठिए निल्लेवे अवहडे विसुद्धे भवइ, से तं पलिओवमे । गाहा-एएसि पल्लाणं कोडाकोडी हवेज दसगुणिया । तं सागरोवमस्स उ एक्कस्स भवे परिमाणं ॥१॥ एएणं सागरोवमपमाणेणं चत्तारि सागरोवमकोडाकोडीओ कालो सुसमसुसमा १ तिन्नि सागरोवमकोडाकोडीओ कालो सुसमा २ दो सागरोवमकोडाकोडीओ कालो सुसमदुसमा ३ एगा सागरोवमकोडाकोडी वायालीसाए वाससहस्सेहिं ऊणिया कालो दुसमसुसमा ४ एकवीसं वाससहस्साई कालो दुसमा ५ एकवीसं वाससहस्साई कालो दुसमदुसमा ६ । पुणरवि ओसप्पिणीए एकवीसं वाससहस्साई कालो दुसमदुसमा १ एकवीसं वाससहस्साई जाव चत्तारि सागरोवमकोडाकोडीओ कालो सुसमसुसमा, दस सागरोवमकोडाकोडीओ कालो ओसप्पिणी दस सागरोवमकोडाकोडीओ कालो उस्सप्पिणी वीसं सागरोवमकोडाकोडीओ कालो ओसप्पिणी य उस्सप्पिणी य ॥ २४६ ॥ जंबुद्दीवेणं भंते 1 दीवे इमीसे ओसप्पिणीए सुसमसुसमाए समाए उत्तमठ्ठपत्ताए भरहस्स वासस्स केरिसए आगारभावपडोयारे होत्था १, गोयमा! वहुसमरमणिज्जे भूमिभागे होत्था, से जहानामए-आलिंगपुक्खरेइ वा एवं उत्तरकुरुवत्तव्वया नेयव्वा जाव आसयंति सयंति, तीसे णं समाए भारहे वासे तत्थ २ देसे २ तहिं २ बहवे ओराला कुद्दाला जाव कुसविकुसविसुद्धरुक्खमूला जाव छव्विहा मणुस्सा अणुसजित्था प०, तं०-पम्हगंधा १ मियगंधा २ अममा ३ तेयली ४ सहा ५ सणिचारी ६ । सेवं भंते ! सेवं भंते ! तिं ॥ २४७ ॥ छठसए सत्तमो उद्देसओ समत्तो॥
कइ णं भंते ! पुढवीओ पन्नत्ताओ?, गोयमा! अट्ठ पुढवीओ पणत्ताओ, तंजहा-रयणप्पभा जाव ईसिप्पव्भारा । अत्थि णं भंते ! इमीसे रयणप्पभाए पुढवीए अहे गेहाइ वा गेहावणाई वा ?, गोयमा ! णो तिणढे समढे। अत्थि णं भंते ! इमीसे रयणप्पभाए अहे गामाइ वा जाव संनिवेसाइ वा ? नो तिणहे समढे। अत्थि णं भंते ! इमीसे रयणप्पभाए पुढवीए अहे उराला वलाहया संसेयंति संमुच्छंति वासं वासंति ?, हंता! अत्थि, तिन्निवि पकरेंति देवोवि पकरेइ असुरोवि प० नागोवि प० । अत्थि णं भंते ! इमीसे रयण० वादरे थणियसद्दे ?; हता! अस्थि, तिन्निति पकरेन्ति । अत्थि ण भंते ! इमीसे रयण० अहे वादरे अगणिकाए?, गोयमा! नो
