________________
सुत्तागमे
[ भगवई
चक्कस्स वा नाभी अरगाउत्ता सिया एवामेव जाव चत्तारि पंच जोयणसयाई बहुसमाइने मणुयलोए मणुस्सेहिं से कहमेयं भंते! एवं !, गोयमा । जण्णं ते अण्णउत्थिया जाव मणुस्सेहिं जे ते एवमाहंसु मिच्छा०, अहं पुण गोयमा । एवमाहक्खामि जाव एवामेव चत्तारि पंच जोयणसयाई बहुलमाइण्णे निरयलोए नेइएहिं ॥ २०७ ॥ नेरइया णं भंते! किं एगत्तं पभू विडव्वित्तए पुहुत्तं पभू विउव्वित्तए ?, जहा जीवाभिगमे आलावगो तहा नेयव्वो जाव दुरहियासे ॥ २०८ ॥ आहाक्रम्मं अणवजेत्ति मण पहारेत्ता भवइ, से णं तस्स ठाणस्स अणालोइयपडिते कालं करेइ नत्थि तस्स आराहणा, से णं तस्स ठाणस्स आलोइयपडितं कालं करेइ अत्थि तस्स आराहणा, एएणं गमेणं नेयव्वं-कीयगडं ठवियं रइयं कंतारभत्तं दुब्भिक्खभत्तं वद्दलियाभतं गिलाणभत्तं सेजायरपिंडं रायपिंडं । आहाकम्मं अणवज्जेत्ति बहुजणमज्झे भासित्ता सयमेव परिभुंजित्ता भवइ से णं तस्स ठाणस्स जाव अत्थि तस्स आराहणा, एयंपि तह चेव जाव रायपिंडं । आहाकम्मं अणवजेत्ति सयं अन्नमन्नस्स अणुप्पदावेत्ता भवइ, से णं तस्स एवं तह चेव जाव रायपिंडं । आहाकम्मं णं अणवजेत्ति बहुजणमज्झे पन्नवइत्ता भवड़ से णं तस्स जाव अत्थि आराहणा जाव रायपिंडं ॥ २०९ ॥ आयरियउवज्झाए णं भंत ! सविसयसि गणं अगिलाए संगिण्हमाणे अगिलाए उवगिण्हमाणे करहिं भवग्गहणेहि सिज्झइ जाव अंतं करेइ ?, गोयमा । अत्थेगइए तेणेव भवग्गहणेणं सिज्झइ अत्थेगइए दोच्चैर्णं भवग्गहणेणं सिज्म तच पुण भवग्गहणं णाइकमइ ॥ २१० ॥ जे र्णं भंते ! परं अलिएणं असम्भूएणं अब्भक्खाणेणं अव्भक्खाइ तस्स णं कहप्पगारा कम्मा कजंति ?, गोयमा ! जे णं परं अलिएणं असंत (एणं) वयणेणं अभक्खाणेणं अब्भक्खाइ तस्स णं तहप्पगारा चैव कम्मा कजंति, जत्थेव णं अभिसमागच्छंति तत्थेव णं पडिसंवेदेति तओ से पच्छा वेदेति सेवं भंते । २ त्ति ॥२११॥ पंचमसए छट्टो उद्देसो समत्तो ॥
परमाणुपोग्गले णं भंते! एयइ वेयइ जाव तं तं भावं परिणमइ ?, गोयमा ! सिय एयइ वेयइ जाव परिणमइ सिय णो एयइ जाव णो परिणमइ । दुपदेसिए णं भंते ! खंधे एयइ जाव परिणमइ ?, गोयमा ! सिय एयइ जाव परिणमइ सिय णो एयइ जाव णो परिणमइ, सिय देसे एयर देसे नो एयइ. । `तिपएसिए-णं भंते ! खंधे एयइ० ?, गोयमा । सिय एयइ सिय नो एयइ, सिय देसे एयइ नो देते एयर लिय देसे एयइ नो देसा एयंति तिय देसा एयंति नो देते एयई । चउप्पएसिए णं भंते ! खंधे एयइ० -१, गोयमा ! सिय एयइ सिय नो एयइ सिय देते
४८२
