________________
वि०प० स० ५ उ०६]
सुत्तागमे
सिया कइयस्स णं भंते ! ताओ भंडाओ किं आरंभिया किरिया कज्जइ ?, गाहावइस्स वा ताओ भंडाओ किं आरंभिया किरिया कज्जइ ?, गोयमा ! कइयस्स ताओ भंडाओ हेछिल्लाओ चत्तारि किरियाओ कनंति मिच्छादंसणकिरिया भयणाए गाहावइस्स गं ताओ, सव्वाओ पयणुईभवंति । गाहावइस्स णं भंते ! भंडं जाव धणे य से अणुवणीए सिया एवंपि जहा भंडे उवणीए तहा नेयत्वं चउत्थो आलावगो, धणे से उवणीए सिया जहा पढमो आलावगो भंडे य से अणुवणीए सिया तहा नेयव्वो पढमचउत्थाणं एनो गमो विइयतइयाणं एको गमो ॥ अगणिकाए णं भंते ! अहुणोजलिए समाणे महाकम्मतराए चेव महाकिरियतराए चेव महासवतराए चेव महावेयणतराए चेव भवइ, अहे णं समए २ वोकासिज्जमाणे २ चरिमकालसमयंसि इंगालभूए मुम्मुरभूए छारियभूए तओ पच्छा अप्पकम्मतराए चेव अप्पकिरियतराए चेव अप्पासवतराए चेव अप्पवेयणतराए चेव भवइ-१, हंता गोयमा ! अगणिकाए णं अहुणोजलिए समाणे तं चेव ॥ २०४ ॥ पुरिसे णं भंते !- धणुं परामुसइ धणुं परामुसित्ता उसुं परामुसइ २ ठाणं ठाइ ठाणं ठिचा आययकण्णाययं उसुं करेइ आययकनाययं उसु करेत्ता उर्दू वेहासं उसु उन्विहइ २ तओ णं से उसु उ8 वेहासं उविहिए समाणे जाई तत्थ पाणाइं भूयाइं जीवाई सत्ताई अभिहणइ वत्तेइ लेस्सेइ संघाएइ संघट्टेइ परियावेइ किलामेइ ठाणाओ ठाण संकामेइ जीवियाओ ववरोवेइ तए णं भंते ! से पुरिसे कइकिरिए ?, गोयमा ! जावं च णं से पुरिसे धणुं परामुसइ २ जाव उविहइ तावं च णं से पुरिसे काइ. याए जाव पाणाइवायकिरियाए पंचहिं किरियाहिं पुढे, जेसिपि य णं जीवाणं सरीरेहिं धणू निव्वत्तिए तेऽवि य णं जीवा काइयाए जाव पंचहिं किरियाहिं पुढे(हा) एवं धणुपुढे पंचहिं किरियाहिं, जीवा पंचहि, .पहारू पंचहिं, उसू पंचहिं, सरे पत्तणे फले प्रहारू पंचहिं ॥ २०५॥ अहे णं से उसुं अप्पगो गुरुयत्ताए भारियत्ताए गुरुयसंभारियत्ताए अहे वीससाए पञ्चोवयमाणे जाइं तत्थ पाणाइं जाव जीवियाओ ववरोवेइ तावं च णं से पुरिसे कइकिरिए ?, गोयमा ! जावं च णं से उसु अप्पणो गुल्यत्ताए जाव ववरोवेइ तावं च णं से पुरिसे काइयाए जाव चउहि किरियाहिं पुढे, जेसिपि य णं जीवाणं सरीरेहिं धणू निव्वत्तिए तेवि जीवा चउहि किरियाहिं, धणुपुढे चउहि, जीवा चउहि, हारू चउहिं, उसू पंचहिं, सरे-पत्तणे फले हारू पंचहिं, जेवि य से जीवा अहे पच्चोवयमाणस्स उवग्गहे चिट्ठति तेवि य णं जीवा काइयाए जाव, पंचहिं किरियाहिं पुट्ठा ॥'२०६ ॥ अण्णउत्थिया णं भंते ! एव. माइक्खंति जाव - परुति से जहानामए-जुवई जुवाणे हत्थेण हत्थे गेण्हेना
३१ सुत्ता०
