________________
णमोऽत्यु णं समणस्स भगवओ णायपुत्त महावीरस्स
सुत्तागमे
तत्थ णं आयारे
सुयं मे आंउसं! तेगं भगवया एवमक्खायं ॥ १ ॥ इह - मेगेसि णो सण्णा भवइ, तंजहा - पुरथिमाओ वा दिसाओ आगओ अहमंसि ? दाहिणाओ वा दिसाओ आगओ अहमंसि, पचत्थिमाओ वा दिसाओ आगओ अहमंसि, उत्तराओ वा दिसाओ आगओ अहमंति, उड्डाओ वा दिसाओ आगओ अहमंसि ? अहो दिसाओ चा आगओ अहमंसि ? अण्णयरीओ वा दिसाओ अणुदिसाओ वा आगओ अहमंसि ? एवमेगेसिं णो णायं भवइ . अस्थि मे आया उववाइए. णत्थि मे आया उववाइए के अहं आसि ? के वा इओ चुओ इह पेचा भविस्सामि ? ॥ २ ॥ से जं पुण जाणेजा सहसंमइयाए परवागरणेणं. अण्णेसिं अंतिए वा सोचा. तंजहा - पुरत्थिमाओ वा दिसाओ आगओ अहमंसि जाव अण्णयरीओ दिसाओ अणुदिसाओ वा आगओ अहमंसि. एवमेगेसिं जं णायं भवइ अत्थि मे आया उववाइए. जो इमाओ - दिसाओ अणुदिसाओ वा अणुसंचरइ सोहं, सव्वाओ दिसाओ - अणुदिसाओ जो आगओ अणुसंचरइ, सोहं । से आयावाई, लोयावाई, कम्मावाई, किरियावाई ॥ ३ ॥ अकरिस्सं चाहं कारवेसुं चऽहं करओ यावि समणुन्ने भविस्सामि; एयावंति सव्वावंति लोगंसि कम्मसमारंभा परिजाणियव्वा भवंति ॥ ४ ॥ अपरिण्णायकम्मे खलु अयं पुरिसे, जो इमाओ दिसाओ अणुदिसाओ अणुसंचरइ, सव्वाओ दिसाओ सव्वाओ अणुदिसाओ साहेs, अणेगरुवाओ जोणीओ संधेइ, विरूवरूवे फासे पडसंवेदेह ॥ ५ ॥ तत्थ खलु भगवया परिण्णा पवेइया ॥ ६ ॥ इमस्स चैव जीवियस्स परिचंदणमाणणपूयणाए, जाईमरणमोयणाए, दुक्खपडिघायहेरं ॥ ७ ॥ एयावंति सव्वाचंति लोगंसि कम्मसमारंभा परिजाणियव्वा भवंति ॥ ८ ॥ जस्सेते लोगसि कम्मसमारंभा परिणाया भवंति से ह मुणी परिण्णायकम्मे ति बेमि ॥ ९ ॥ पढमो उद्देसो ॥
अट्टे लोए परिजुण्णे दुस्संवोहे अविजाणए अस्सि लोए पव्वहिए तत्थ तत्थ पुढो पास आतुरा अस्सि परितावेंति ॥ १० ॥ संति पाणा पुढोसिया, लजमाणा पुढो
