________________
४५८ सुत्तागमे
[भगवई मवि वेमाया सुहुमा इरियावहिया किरिया कन्नइ, सा पढमसमयवद्धपुट्ठा वितियसमयवेइया तइयसमयनिजरिया सा बद्धा पुट्टा उदीरिया बेदिया निजिण्णा सेयकाले अकम्मं वावि भवति, से तेणटेणं मंडियपुत्ता ! एवं बुचाते-जावं च णं से जीवे सया समियं नो एयति जाव अंते अंतकिरिया भवति ॥ १५२ ॥ प्रमत्तनंजयस्त णं भंते ! पमत्तसंजमे वट्टमाणस्स सव्वावि य णं पमत्तद्धा कालओ केवचिरं होइ ?, मंडियपुत्ता ! एगजीवं पडुच्च जहन्नेणं एवं समयं उक्कोसेणं देसूणा पुन्चकोडी, णाणाजीवे पडुच्च सव्वद्धा ॥ अप्पमत्तसंजयस्स णं भंते ! अप्पमत्तरांजमे वट्टमाणस्न सव्वावि य णं अप्पमत्तद्धा कालओ केवचिरं होइ ?, मंडियपुना ! एगजीवं पडुन जहन्नेणं अंतोमुहुत्तं उक्लो० पुव्वकोडी देसूणा, णाणाजीवे पड्डुच सव्वद्धं, सेवं भंते ! २ त्ति भयवं मंडियपुत्ते अणगारे समणं भगवं महावीरं वंदइ नमसइ २ सजमेणं तवसा अप्पाणं भावमाणे विहरइ ॥ १५३ ॥ भंते ! त्ति भगवं गोयमे समणं भगवं महावीरं वंदइ नमसइ २ त्ता एवं वयासी-कम्हा णं भंते । लवणसमुद्दे चाउद्दसट्टमुट्टिपुन्नमासिणीसु अतिरेयं वद्भुति वा हायति वा ?, जहा जीवाभिगमे लवणसमुद्दवत्तव्वया नेयव्वा जाव लोयद्विती, जणं लवणसमुद्दे जंबुद्दीवं २ णो उप्पीलेति णो चेव णं एगोदगं करेइ (लोयट्टिई) लोयाणुभावे । सेवं भंते ! २ ति जाव विहरति । किरिया समत्ता ॥ १५४ ॥ तइयस्स सयरस तइओ उद्देसो समत्तो॥ __ अणगारेणं भंते ! भावियप्पा देवं वेउव्वियसमुग्घाएणं समोहयं जाणस्वेणं जायमाणं जाणइ पासइ ? गोयमा ! अत्थेगइए देवं पासइ णो जाणं पासइ १ अत्यगइए जाणं पासइ नो देवं पासई २ अत्थेगइए देवपि पासइ जाणंपि पासइ ३ अत्येगइए नो देवं पासइ नो जाणं पासइ ४ ॥अणगारे णं भंते ! भावियप्पा देविं वेउब्वियसमुग्घाएणं समोहयं जाणरूवेणं जायमाणं जाणइ पासइ ?,गोयमा! एवं चेव ॥ अणगारे णं भंते ! भावियप्पा देवं सदेवीयं वेउब्वियसमुग्धाएणं समोहयं जाणरूवेणं जायमाणं जाणइ पासइ ?, गोयमा ! अत्थेगइए देवं सदेवीयं पासइ नो जाणं पासइ, एएणं अभिलावेणं चत्तारि भंगा ॥ अणगारे णं भंते ! भावियप्पा रुक्खस्स किं अंतो पासइ बाहिं पासइ ? चउभंगो। एवं किं मूलं पासइ कंदं पा० ?, चउभंगो, मूलं पा० खंधं पा०? चउभंगों, एवं मूलेणं बीजं संजोएयव्वं, एवं कंदेणवि समं संजोएयव्वं जाव वीय, एवं जाव पुप्फेण समं बीयं संजोएयव्वं ॥ अणगारे णं भंते ! भावियप्पा रुक्खस्स किं फलं पा०बीयं पा०, चउभंगो ॥१५५॥ पभूणं भंते ! वाउकाए एगं महं इत्थिरूवं वा पुरिसरुवं वा हत्थिरूवं वा जाणरूवं वा एवं जुग्गगिल्लिथिल्लिसीयसंदमाणियत्वं वा विउवित्तए ?, गोयमा ! णो तिणढे समहे, वाउकाए णं विकुव्वमाणे एर्ग
