________________
सुत्तागमे
[भगवई रस्स एवमाइक्खमाणस्स भा० प० परू० एयमद्वं नो सद्दहइ नो पत्तियइ नो रोयइ एयमढें असद्दहमाणे अपत्तियमाणे अरोएमाणे उठाए उठेइ २ जेणेव समणे भगवं महावीरे तेणेव उवागच्छइ जाव पजुवासमाणे एवं वयासी-एवं खलु भंते ! दोच्चे गोयमे अग्गिभूतिअणगारे मम एवमातिक्खइ भासइ पनवेइ परवेइ-एवं खलु गोयमा ! चमरे असुरिंदे असुरराया महिदिए जाव महाणुभावे से णं तत्थ चोत्तीसाए भवणावाससयसहस्साणं एवं तं चेव सव्वं अपरिसेसं भाणियव्वं जाव अग्गमहिंसीणं वत्तव्वया समत्ता, से कहमेयं भंते !, एवं ? गोयमादि समणे भगवं महाचीरे तचं गोयमं वाउभूतिं अणगारं एवं वदासी-जण्णं गोयमा ! दोन्चे गो० अग्गिभूइअणगारे तव एवमातिक्खइ ४-एवं खलु गोयमा ! चमरे ३ महिड्डिए एवं तं चेव सव्वं जाव अग्गमहिसीणं वत्तव्वया समत्ता, सच्चे णं एसमटे, अहंपि णं गोयमा! एवमातिक्खामि भा० प० परू०, एवं खलु गोयमा !-चमरे ३ जाव महिड्डिए सो चेव वितिओ गमो भाणियव्चो जाव अग्गमहिसीओ, सच्चे णं एसमढे, सेवं भंते २, तच्चे गोयमे ! वायुभूती अणगारे समगं भगवं महावीरं वंदइ नमसइ २ जेणेव दोचे गोयमे अग्गिभूती अणगारे तेणेव उवागच्छइ २ दोचं गो० अग्गिभूतिं अणगारं वंदइ नमसति-२ एयमढें सम्मं विणएणं भुज्जो २ खामेति ॥ १२७ ॥ तए णं से तच्चे गोयमे वाउभूती अणगारे दोघेणं गोयमेणं अग्गिभूतीणामेणं अणगारेणं सद्धिं जेणेव समणे भगवं महावीरे जाव पजुवासमाणे एवं वयासी-जति णं भंते ! चमरे असुरिंदे असुरराया एवंमहिदिए जाव एवतियं च णं-पभू विकुन्वित्तए वली णं भंते ! वइरोयणिंदे वइरोयणराया केमहिड्डिए जाव केवइयं च णं पभू विकुन्वित्तए ?, गोयमा ! बली णं वइरोयणिंदे वइरोयणराया महिड्डिए जाव महाणुभागे, से णं तत्थ तीसाए भवणावाससयसहस्साणं सट्ठीए सामाणियसाहस्सीणं सेसं जहा चमरस्स तहा वलियस्सवि णेयव्वं, णवरं सातिरेगं केवलकप्पं जवुद्दीवंति भाणियव्वं, सेसं तं चेव गिरवसेसं णेयव्वं, णवरं णाणत्तं जाणियव्वं भवहिं सामा• णिएहिं, सेवं भंते २ त्ति तच्चे गोयमे वायुभूती जाव विहरति । भंते त्ति भगवं दोचे गोयमे अग्गिभूती अणगारे -समणं भगवं महावीरं वंदइ २ एवं वदासी-जइ णं भंते ! वली वइरोयणिंदे वइरोयणराया एमहिड्डिए जाव एवइयं च णं पभू विकु. वित्तए धरणे णं भंते ! नागकुमारिंदे नागकुमारराया केमहिड्डिए जाव केवतियं च णं पभू विकुवित्तए ?, गोयमा! धरणे णं नागकुमारिंदे नागकुमारराया एमहिड्डिए जाव से णं तत्थ चोयालीसाए भवणावाससयसहस्सागं छण्हं सामाणियसाहस्सीणं तायत्तीसाए- तायत्तीसगाणं चउण्हं लोगपालाणं छण्हं अग्गमहिसीणं सपरिवाराणं
