________________
४२२
सुत्तागमे
[भगवई
समणे भगवं महावीरे तेणेव उवागच्छइ २ ता समगं भगवं महावीरं तिक्युत्तो आयाहिणप्पयाहिणं करेइ जाव पजुवासइ । खंदयाति समणे भगवं महावीरे खंदयं कच्चाय० एवं वयासी-से नूणं तुम खंदया! सावत्थीए नयरीए पिगलएणं गियंठेणं वेसालियसावएणं इणमक्खेवं पुच्छिए मागहा ! किं सोते लोए अणते लोए एवं तं जेणेव मम अंतिए तेणेव हव्वमागए, से नूणं खंदया ! अयमढे समझे ?, हंता अत्थि, जेविय ते खंदया ! अयमेयालवे अब्भत्यिए चिंतिए पत्लिए भगोगए संकप्पे समुप्पज्जित्था-किं सअंते लोए अणंते लोए ? तस्सवि य णं अयमट्टे-एवं खल मए खंदया ! चउविहे लोए पन्नत्ते, तंजहा-दव्वओ खेत्तओ कालओ भावओ। दव्त्रओ गं एगे लोए सअंते १, खेत्तओ णं लोए असंखेजाओ जोयणकोडाकोडीओ आयामविक्खंभेणं असंखेज्जाओ जोयणकोडाकोडीओ परिक्खेवेणं प० अस्थि पुण सअंते २, कालओ णं लोए ण कयावि न आसी न कयावि न भवति न कयावि न भविस्सति भविसु य भवति य भविस्सइ य धुवे णितिए सासते अक्खए अव्वए अवट्ठिए णिचे, पत्थि पुण से अंते ३, भावओ णं लोए अणंता वण्णपज्जवा गंध० रस० फासपज्जवा अणंता संठाणपज्जवा अणंता गस्यलहुयपज्नवा अणंता अगस्यलहुयपज्जवा, नत्थि पुण से अंते ४, सेत्तं खंदगा! दवओ लोए सअंते खेत्तओ लोए सअंते कालतो लोए अणते भावओ लोए अगते । जेवि य ते खंदया! जाव सअंते जीवे अणंते जीवे, तस्सवि य णं अयमढे-एवं खलु जाव दव्वओ णं एगे जीवे सअंते, खेत्तओ णं जीवे असंखेजपएसिए असंखेजपदेसोगाढे अत्यि पुण से अंते, कालओ णं जीवे न कयावि न आति जाव निच्चे नत्थि पुण से अंते, भावओ णं जीवे अणंता णाणपजवा अणंता दसणप० अणंता चरित्तप० अणंता अगुरुलहुयप० नत्थि पुण से अंते, सेत्तं दवओ जीवे सअंते खेत्तओ जीवे सअंते कालओ जीवे अणंते.भावओ जीवे अणंते । जेवि य ते खंदया पुच्छा [इमेयाल्वे चिंतिए जाव सअंता सिद्धी अर्णता सिद्धी, तस्सवि य 'णं अयमढे खंदया !-मए एवं खलु चउविहा सिद्धी प०, तं०-दव्वओ४, दवओ णं एगा सिद्धी सअंता खेत्तओ णं सिद्धी पणयालीसं जोयणसयसहस्साई आयामविक्खंभेणं एगा जोयणकोडी वायालीसं च जोयणसयसहस्साइं तीसं च जोयणसहस्साइं दोन्नि य अउणापन्नजोयणसए किंचि विसेसाहिए परिक्खेवेण अत्थि पुण से अंते, कालओ णं सिद्धी न कयावि न आसि० भावओ य-जहा लोयस्स तहा भाणियव्वा, तत्थ व्वओ सिद्धी सअंता खे० सिद्धी सअंता का सिद्धी अणंता भावओ सिद्धी अणंता। जेवि य ते खंदया। जाव कि अणंते सिद्धे तं चेव जाव दव्वओ णं एगे सिद्धे सअंते, खे० सिद्धे असे
