________________
४१३
'वि० ५० स० १ उ०९] सुत्तागमे वयासी-एएसि पं भंते ! पयाणं पुचि अण्णाणयाए असवणयाए अबोहियाए अणभिगमेणं अदिट्ठाणं अस्तुयाणं असुयाणं अविण्णायाणं अव्वोगडाणं अव्वोच्छिन्नाणं अणिजूढाणं अणुवधारियाणं एयमढ णो सद्दहिए णो पत्तिइए णो रोइए इयाणि भंते ! एतेसि पयाणं जाणणयाए सवणयाए वोहीए अभिगमेणं दिवाणं सुयाणं मुयाणं विण्णायाणं वोगडाणं वोच्छिन्नाणं णिज्जूढाणं उवधारियाणं एयमद्वं सद्दहामि पत्तिन्यामि रोएंमि एवमेयं से जहेयं तुन्भे वदह, तए णं ते थेरा भगवंतो कालासवेसियपुत्तं अणगारं एवं क्यासी-सहाहि अजो ! पत्तियाहि अज्जो ! रोएहि अज्जो ! से जहेयं अम्हे वदामो। तए णं से कालासवेसियपुत्ते अणगारे थेरे भगवंतो वंदइ नमंसइ २ एवं वदासी-इच्छामिण भंते ! तुम अंतिए चाउज्जामाओ धम्माओ पंचमहन्वइयं सपडिकमणं धम्म उवसंपजित्ता णं विहरित्तए, अहासुहं देवाणुप्पिया! मा पडिवंधं । तएणं से कालासवेसियपुत्ते अणगारे थेरे भगवंते वंदुइ नमसइ वंदित्ता नमंसित्ता चाउज्जामाओ धम्माओ पंचमहत्वइयं सपडिक्कमणं धम्म उवसंपज्जित्ता णं विहरइ। तए णं से कालासवेसियपुत्ते अणगारे वहूणि वासाणि सामण्णपरियागं पाउणइ जस्सहाए कीरइ थेरकप्पभावे जिणकप्पभावे मुंडभावे अण्हाणयं अदंतधुवणयं अच्छत्तयं अणोवाहणयं भूमिसेज्जा फलहसेजा कट्ठसेजा केसलोओ वंभचेरवासो परघरपवेसो लद्धावलद्धी उच्चावया गामकंटगा वावीसं परिसहोवसग्गा अहियासिज्जति तमढें आराहेइ २ चरिमेहिं उस्सासनीसासेहिं सिद्ध वुद्धे मुक्के परिनिव्वुडे सव्वदुक्खप्पहीणे ॥ ७६ ॥ भंतेत्ति भगवं गोयमे समणं भगवं महावीरं वंदति नर्मसति २ एवं वदासी-से नूणं भंते ! सेठियस्स य तणुयस्स य किवणस्स य खत्तियस्स य समं चेव अपच्चक्खाणकिरिया कजइ ?, हंता गोयमा ! सेट्ठियस्स य जाव अपञ्चक्खाणकिरिया कजइ, से केणटेणं भंते ! ?, गोयमा ! अविरतिं पड्डुच्च से तेण० गोयमा! एवं वुच्चइ-सेट्रियस्स य तणु० जाव कज्जइ ॥ ७७ ॥ आहाकम्म भुजमाणे समणे निग्गंथे किं बंधइ किं पकरेइ किं चिणाइ कि उवचिणाइ?, गोयमा। आहाकम्म णं भुंजमाणे आउयवज्जाओ सत्त कम्मप्पगडीओ सिढिलवंधणबद्धाओ धणियवंधणवद्धाओ पकरेइ जाव अणुपरियट्टइ, से केणढेणं जाव अणुपरियट्टइ ?, गोयंमा ! आहाकम्मं णं भुंजमाणे आयाए धम्मं अइक्कमइ आयाए धम्मं अइक्कममाणे पुढविकायं णावकंखइ जाव तसकायं णावकंखइ, जेसिपि य णं जीवाणं सरीराइं आहारमाहारेइ तेवि जीवे नावकंखइ, से तेणटेणं गोयमा! एवं वुच्चइ-आहाकम्मं णं भुंजमाणे आउयवनाओ सत्त कम्मपगडीओ जाव अणुपरियट्टइ ॥ फासुएसणिज भंते ! भुंजमाणे किं बंधइ जाव उवचिगाइ ?, गोयमा ! फासुएसणिज्ज णं
