________________
वि०प० स० १ उ०५]
सुत्तागमे
३९९
• कति णं भंते ! पुढवीओ पनत्ताओ ?, गोयमा ! सत्त पुढवीओ पन्नत्ताओ, तंजहारयणप्पभा जाव तमतमा ॥ इमीसे णं भंते ! रयणप्पभाए पुढवीए कति निरयावाससयसहस्सा प०?, गोयमा! तीसं निरयावाससयसहस्सा प०, गाहा-तीसा य पनवीसा पन्नरस दसेव या सयसहस्सा । तिनेगं पंचूर्ण पंचेव अणुत्तरा. निरया ॥ १ ॥ केवइया णं भंते ? असुरकुमारावाससयसहस्सा प० ?, एवं-चउसट्ठी असुराणं चउरासीई य होइ नागाणं । वावत्तरि सुवन्नाण वाउकुमाराण छन्नई ॥१॥ दीवदिसाउदहीणं विजुकुमारिंदणियमग्गीणं । छण्हपि जुयलयाणं छावत्त. रिमो सयसहस्सा ॥ २ ॥ केवइया णं भंते ! पुढविकाइयावाससयसहस्सा प० ?, गोयमा! असंखेना पुढविक्काइयावाससयसहस्सा प०, गोयमा ! जाव असंखिजा जोतिसियविमाणावाससयसहस्सा प० । सोहम्मे णं भंते । कप्पे केवइया विमाणावाससयसहस्सा प०?, गोयमा ! वत्तीसं विमाणावाससयसहस्सा प०, एवं-बत्ती सट्ठावीसा वारस अट्ट चउरो सयसहस्सा । पन्ना चत्तालीसा छच्च सहस्सा सहस्सारे ।। १ ।। आणयपाणयकप्पे चत्तारि सयाऽऽरणञ्चुए तिन्नि । सत्त विमाणसयाई चउसुवि एएसु कप्पेसुं ॥ २ ॥ एकारमुत्तरं हेहिमेसु सत्तुत्तरं सयं च मज्झिमए । सयमेगं उवरिमए पंचेच अगुत्तरविमाणा ॥ ३ ॥ ४३ ॥ पुढवि द्विति ओगाहणसरीरसंघयणमेव संठाणे । लेस्सा दिट्ठी णाणे जोगुवओगे य दस ठाणा ॥ १ ॥ इमीसे णं भंते । रयणप्पभाए पुढवीए तीसाए निरयावाससयसहस्सेसु एगमेगंसि निरयावासंसि नेरइयाणं केवइया ठितिठाणा प० १, गोयमा! असंखेजा ठितिठाणा प०, तंजहाजहन्निया ठिती समयाहिया जहन्निया ठिई दुसमयाहिया जाद असंखेज्नसमयाहिया जहन्निया ठिई तप्पाउरगुकोसिया ठिती ॥ इमीसे णं भंते रयणप्पभाए पुढवीए तीसाए निरयावाससयसहस्सेसु एगमेगसि निरयावाससि जहन्नियाए ठितीए वट्टमाणा नेरइया कि कोहोवउत्ता भाणोवउत्ता मायोवउत्ता लोभोवउत्ता ?, गोयमा! सव्वेवि ताव होजा कोहोवउत्ता १, अहवा कोहोवउत्ता य माणोवउत्ते य २, अहवा कोहोवउत्ता य माणोवउत्ता य ३, अह्वा कोहोवउत्ता य मायोवउत्ते य ४, अहवा कोहोवउत्ता य मायोवउत्ता य ५, अहवा कोहोवउत्ता य लोभोवउत्ते य ६, अहवा कोहोवउत्ता य लोभोवउत्ता य ७ । अहवा कोहोवउत्ता य माणोवउत्ते य मायोवउत्ते य १. कोहोवउत्ता य माणोवउत्ते य मायोवउत्ता य २, कोहोवउत्ता य माणोवउत्ता य मायोवउत्ते य ३, कोहोवउत्ता य माणोवउत्ता य मायोवउत्ता य ४ एवं कोहमाणलोभेणवि चउ ४, एवं कोहमायालोभणाचे च ४ एवं १२, पच्छा माणेण मायाए लोभेण य कोहो भइयव्वो, ते कोहं अमुंचता ८,
