________________
३९६
सुत्तागमे
[ भगवई
1
जोगनिमित्तं च ॥ से णं भंते । पमाए किंपवहे ?, गोयमा ! जोगप्पवहे । से णं भंते ! जोए किंपवहे ?, गोयमा ! वीरियप्पवहे । से णं भंते वीरिए किपवहे ?, गोयमा ! सरीरप्पवहे । से णं भंते ! सरीरे किंपवहे ?, गोयमा ! जीवप्पवहे । एवं सति अस्थि उट्टा ति वा कम्मे ति वा वले इ वा वीरिए इ वा पुरिसकारपरक मे इ वा ॥ ३४ ॥ से णूणं भंते ! अप्पणा चेव उदीरेइ अप्पणा चेव गरहइ अप्पणा चेव संवरइ ?, हंता ! गोयमा | अप्पणा चेव तं चेव उच्चारेयव्वं ३ ॥ जं तं भंते ! अप्पणा चेव उदीरेइ अप्पणा चेव गरहेइ अप्पणा चेव संवरेइ तं कि उदिनं उदीरेइ १ अणुदिनं उदीरेइ २ अणुदिनं उदीरणाभवियं कम्मं उदीरेइ ३ उदयानंतरपच्छाकड कम्मं उदीरेइ ४ ?, गोयमा । नो उदिण्णं उदीरेइ १ नो अणुदिन्नं उदीरेइ २ अणुदिन्नं उदीरणाभवियं कम्मं उदीरेइ ३ णो उदयानंतर पच्छाकडं कम्मं उदीरेइ ४ ॥ जं तं भंते! अणुदिनं उदीरणाभवियं कम्मं उदीरेइ तं कि उट्टाणेणं कम्मेणं वलेणं वीरिएणं पुरिसक्कार परक्कमेणं अणुदिन्नं उदीरणाभवियं क० उदी० ? उदाहु तं अाणं अम्मेणं अवलेणं अवीरिएणं अपुरिसक्कारपरक्कमेणं अणुदिनं उदीरणाभवियं कम्मं उदी० ?, गोयमा ! तं० उट्ठाणेणवि कम्मे० वले० वीरिए० पुरिसक्कारपरक्कमेणवि अणुदिन्नं उदीरणाभवियं कम्मं उदीरेइ, णो तं अणुट्ठाणेणं अकम्मेणं अवलेगं अवीरिएणं अपुरिसक्कार • अणुदिन्नं उदी० भ० क० उदी०, एवं सति अत्थि उट्ठाणे इ वा कम्मे इ वा वले इ वा वीरिए इ वा पुरिसक्कारपरक्कमे इ वा ॥ से नूणं भंते ! अप्पणा चेव उवसामेइ अप्पणा चेव गरहइ अप्पणा चेव संवरइ ?, हंता गोयमा ! एत्थ वि तहेव भाणियव्वं, नवरं अणुदिन्नं उवसामेइ सेसा पडिसेहेयव्वा तिन्नि ॥ जं तं भंते ! अणुदिन्नं उवसामेइ तं कि उट्ठाणेणं जाव पुरिसक्कारपरक्कमेति वा, से नूणं भंते ! अप्पणा चेव वेदेइ अप्पणा चेव गरहइ ?, एत्थवि सच्चेव ं परिवाडी, नवरं उदिन्नं वेएइ नो अणुदिनं वेएइ, एवं जाव पुरिसक्कारपरिक्कमे इ वा । से नूणं भंते ! अप्पणा चेव निज्जरेति अप्पणा चैव गरहइ, एत्थवि सच्चेव परिवाडी नवरं उदयाणंतरपच्छाकडं कम्मं निज्जरेइ एवं जाव परिकमेइ वा ॥ ३५ ॥ नेरइयाणं भंते ! कंखामोहणिज्जं कम्मं वेएन्ति ?, जहा ओहिया जीवा तहा नेरइया, जाव थणियकुमारा ॥ पुढविक्काइयाणं भंते ! कंखामोहणिज क्रम्मं वेइंति, हंता वेइंति, कहण्णं भंते ! पुढविक्का • कंखामोहणिजं कम्मं वेदेंति ?, गोयमा ! तेसिणं जीवाणं णो एवं तक्का इ वा सण्णा इ वा पण्णा इ वा मणे इ वा वइति वा अम्हे णं कंखामोहणिज्जं कम्मं वेएमो, वेति पुंण ते । से णूणं भंते ! तमेव सच्चं नीसंकं जं जिणेहिं पवेइयं, सेसं तं चेव, जाव पुरिसक्कारपरिक्कमेइ वा ।
