________________
३७१
णिरयावासवण्णणं]
सुत्तागमे पाहुडा संखेज्जा पाहुडपाहुडा संखेजाओ पाहुडियाओ संखेजाओ पाहुडपाहुडियाओ संखेजाणि पयसयसहस्साणि पयग्गेणं पन्नत्ता, संखेजा अक्खरा अणंता गमा अणंता पज्जवा परित्ता तसा अणंता थावरा सासया कडा णिवद्धा णिकाइया जिणपण्णत्ता भावा आघविनंति पण्णविनंति परूविजंति देसिज्जति निदंसिर्जति उवदंसिजति, एवं णाया एवं विण्णाया एवं चरणकरणपरूवणया आघविनंति, से तं दिठिवाए, से तं दुवालसंगे गणिपिडगे ॥ २२६ ॥ इच्चेइयं दुवालसंगं गणिपिडगं अतीतकाले अणंता जीवा आणाए विराहित्ता चाउरंतसंसारकतारं अणुपरियटिंसु, इच्चेइयं दुवालसंगं गणिपिडगं पडुप्पण्णे काले परित्ता जीवा आणाए विराहित्ता चाउरंतसंसारकंतारं अणुपरियति, इच्चेइयं दुवालसंगं गणिपिडगं अणागए काले अणंता जीवा आणाए विराहित्ता चाउरंतसंसारकतारं अणुपरियहिस्संति, इच्चेइयं दुवालसंगं गणिपिडगं अतीतकाले अणंता जीवा आणाए आराहित्ता चाउरंतसंसारकंतारं वीईवइंसु, एवं पडुप्पण्णेऽवि, एवं अणागएऽवि । दुवालसंगे णं गणिपिडगे ण कयावि णत्थि, ण कयाइ णासी, ण कयाइ ण भविस्सइ, भुविं च भवति य भविस्सति य (अयले) धुवे णितिए सासए अक्खए अव्वए अवट्ठिए णिचे, से जहा णामए पंच अस्थिकाया ण कयाइ ण आसि, ण कयाइ णत्थि, ण कयाइ ण भविस्सति, भुविं च भवति य भविस्सति य, (अयला) धुवा णितिया सासया अक्खया अव्वया अवट्ठिया णिच्चा, एवामेव दुवालसंगे गणिपिडगे ण कयाइ ण आसि, ण कयाइ णत्थि, ण कयाइ ण भविस्सइ, भुविं च भवति य भविस्सइ य, (अयले) धुवे जाव अवट्ठिए णिच्चे । एत्थ णं दुवालसंगे गणिपिडगे अणंता भावा अणंता अभावा अणंता हेऊ अणंता अहेऊ अणंता कारणा अणंता अकारणा अणंता जीवा अणंता अजीवा अणंता भवसिद्धिया अणंता अभवसिद्धिया अणंता सिद्धा अणंता असिद्धा आघविनंति पण्णविजति परूविज्जति दंसिज्जति निदंसिज्जति उवदंसिजति । एवं दुवालसंगं गणिपिडगं इति ॥ २२७ ॥ दुवे रासी प० तं जहा-जीवरासी अजीवरासी य । अजीवरासी दुविहा प० तं जहा-रूवी अजीवरासी अरूवी अजीवरासी य । से किं तं अरूवी अजीवरासी ? अरूवी अजीवरासी दसविहा प० तं जहा-धम्मत्थिकाए जाव अद्धासमए । रूवी अजीवरासी अणेगविहा प० । जाव से कि तं अणुत्तरोववाइआ ? अणुत्तरोववाइआ पंचविहा प० तं जहा-विजयवेजयंतजयंतअपराजितसव्वट्ठसिद्धिआ, सेत्तं अणुत्तरोववाइआ, से तं पंचिंदियसंसारसमावण्णजीवरासी । दुविहा णेरइया प० तं जहापज्जत्ता य अपज्जत्ता य, एवं दंडओ भाणियन्वो जाव वेमाणिय त्ति । इमीसे णं रयणप्पभाए पुढवीए केवइयं खेत्तं ओगाहेत्ता केवइया णिरयावासा प०?, गोयमा! इमीसे
