________________
से..] सुत्तागमे
३२१ समणे भगवं महावीरे सत्त रयणीओ उड्ढे उच्चत्तेणं होत्था । इहेव जंबुद्दीवे दीवे सत्त वासहरपव्वया पन्नता तं जहा-चुलहिमवंते महाहिमवंते निसढे नीलवंते रुप्पी सिहरी मंदरे । इहेव जंबुद्दीवे दीवे सत्त वासा पन्नत्ता, तं जहा-भरहे हेमवए हरिवासे महाविदेहे रम्मए एरण्णवए एरवए । खीणमोहेणं भगवया मोहणिज्जवजाओ सत्त कम्मपयडीओ वेए(ज)ई ॥ २४ ॥ महानक्खत्ते सत्ततारे पन्नत्ते । कत्तिआइआ सत्त नवखत्ता पुन्वदारिआ प० (अभियाइया सत्त नक्खत्ता) महाइआ सत्त नक्खत्ता दाहिणदारिआ प० । अणुराहाइआ सत्त नक्खत्ता अवरदारिआ प० । धणिट्ठाइआ सत्तं नक्खना उत्तरदारिआ प० ॥ २५ ॥ इमीसे णं रयणप्पभाए पुढवीए अत्थेगइयागं नेरइयाणं सत्त पलिओवमाइं ठिई प० । तचाए णं पुढवीए नेरइयाणं उक्कोसेणं सत्त सागरोवमाई ठिई प० । चउत्थीए णं पुढवीए नेरइयाणं जहण्णेणं सत्त सागरोवमाइं ठिई प० असुरकुमाराणं देवाणं अत्थेगइयागं सत्त पलिओवमाई ठिई प० । सोहम्मीसाणेसु कप्पेसु अत्येगइयाणं देवाणं सत्त पलिओवमाई ठिई प० । सणकुमार कप्पे अत्थेगइयाणं देवाणं उक्कोसेणं सत्त सागरोवमाई ठिई प० । माहिंदे कप्पे देवाणं उक्कोसेणं साइरेगाइं सत्त सागरोवमाइं ठिई प० । वंभलोए कप्पे अत्येगइयाणं देवाणं सत्त साहिया सागरोवमाई ठिई प० । जे देवा समं समप्पमं महापमं पभासं भासुरं विमलं कंचणकूडं सणंकुमारवर्डिसगं विमाणं देवत्ताए उववण्णा तेसि णं देवाणं उक्कोसेणं सत्त सागरोवमाई ठिई प० ॥ २६ ॥ ते णं देवा सत्तण्हं अद्धमासाणं आणमंति वा पाणमंति वा ऊससंति वा नीससंति वा । तेसि णं देवाणं सत्तहिं वाससहस्सेहिं आहारट्टे समुप्पजइ । संतेगइया भवसिद्धिया जीवा जेणं सत्तहि भवग्गहणेहिं सिज्झिस्संति जाव सव्वदुक्खाणमंतं करिस्संति ॥ २७ ॥ अट्ठ मयट्ठाणा पन्नत्ता, तं जहा-जातिमए कुलमए वलमए रूवमए तवमए मुयमए लाभमए इस्सरियमए । अट्ठ पवयणमायाओ प० तं जहा-इरियासमिई भासासमिई एसणासमिई आयाणभंडमत्तनिक्खेवणासमिई उच्चारपासवणखेलजल्लसिंघाणपारिट्ठावणियासमिई मणगुत्ती वइगुत्ती कायगुत्ती । वाणमंतराण देवाणं रुक्खा अट्ठ जोयणाई उद्धं उच्चत्तेणं पन्नत्ता। जंवू णं सुदंसणां अट्ठ जोयणाई उद्धं उच्चत्तेणं प० । कूडसामली णं गरुलावासे अट्ठ जोयणाई उद्धं उच्चत्तेणं पन्नत्ता । जंबुद्दीवस्स णं जगई अट्ट जोयणाई उद्धं उच्चतेणं पन्नत्ता । असामइए केवलिसमुग्घाए पन्नत्ते तं जहा-पढमे समए दंडं करेइ, बीए समए कवाडं करेइ, तइए समए मंथं करेइ, चउत्थे समए मंथंतराइं पूरेइ, पंचमे समए मंथंतराई पडिसाहरइ, छठे समए मंथं पडिसाहरइ, सत्तमे समए कवाडं
२१ सुत्ता.
