________________
३१४
सुत्तागमे
[ ठाणे
तावेइ से तं २ तमेव सह तेयसा भासं कुज्जा, केइ तहारूवं समणं वा माहणं वा अच्चासाएजा, से य अच्चासाइए समाणे परिकुविए देवे य परिकुविए दुहओ पडिण्णा तस्स तेयं निसिरेजा ते तं परिताविंति ते तं परियावेत्ता तमेव सह तेयसा भासं कुजा, केइ तहारूवं समणं माहणं वा अच्चासाएजा से य अच्चासाइए परिकुविए तस्स तेयं निसिरेजा तत्थ फोडा संमुच्छंति ते फोडा भिजंति ते फोडा भिन्ना समाणा तामेव सह तेयसा भासं कुज्जा, केइ तहारूवं समणं वा माहणं वा अच्चासाएजा से य अच्चासाइए देवे परिकुविए तस्स तेयं निसिरेजा, तत्थ फोडा संमुच्छंति ते -फोडा भिजंति, ते फोडा भिन्ना समाणा तमेव सह तेयसा भासं कुज्जा, केइ तहारूवं समणं वा माहणं वा अच्चासाएजा से य अच्चासाइए परिकुविए देवेवि य परिकुविएते दुहओ पडिण्णा ते तरस तेयं निसिरेज्जा, तत्थ फोडा संमुच्छंति, सेसं तहेव जाव भासं कुजा, केइ तहारूवं समणं वा माहणं वा अच्चासाएजा, सेय अच्चासाइए परिकुविए तस्स तेयं निसिरेजा, तत्थ फोडा संमुच्छंति ते फोडा भिजंति तत्थ पुला संमुच्छंति ते पुला भिजंति, ते पुला भिन्ना समाणा तामेव - सह तेयसा भासं कुज्जा, एए तिन्नि आलावगा भाणियव्वा केइ तहारूवं समणं वा माहणं वा अच्चासाएमाणे तेयं निसिरेज्जा से य तत्थ णो कम्मइ णो पकम्मइ अंचियं अंचियं करेइ करेत्ता आयाहिणपयाहिणं करेइ २ त्ता उड्ढे वेहासं उप्पयइ २ से गं तओ पडिए पडिणियत्तइ २ त्ता तमेव सरीरगमणुदहमाणे २ सह तेयसा भासं कुज्जा जहा वा गोसालस्स मंखलिपुत्तस्स तवते ॥ १०७३ || दस अच्छेरगा प० तं०-उवसग्ग गन्भहरणं इत्थीतित्थं अभाविया परिसा, कण्हस्स अवरकंका उत्तरणं चंदसूराणं (१) हरिवंसकुलुप्पत्ती चमरुप्पाओ य अठ्ठसयसिद्धा, असंजएसु आ दसवि अनंतेण कालेन २ ॥ १०७४ | इमीसे णं रयणप्पभाए पुढवीए रयणे कंडे दसजोयणसयाई बाहल्लेणं प० ॥१०७५ ॥ इमीसे रयणप्पभाए पुढवीए वयरे कंडे दस जोयणसयाई बाहल्लेणं प० एवं वेरुलिए लोहितक्खे मसारगल्ले हंसगब्भे पुलए सोगंधिए जोइरसे अंजणे अंजणपुलए रयए जायरूवे अंके फलिहे रिठ्ठे जहा रयणे तहा सोलसविहा भाणियव्वा ॥ १०७६ ॥ सव्वेवि णं दीवसमुद्दा दसजोयणसयाई उब्वेहेणं प० ॥ १०७७ ॥ सव्वेदि णं महादहा दस जोयणाई उव्वेहेणं प० || १०७८ ॥ सव्वेवि णं सलिलकुंडा दसजोयणाई उव्वेहेणं प० ॥ १०७९ ॥ सीआसीओ या णं महानईओ मुहमूले दस दस जोयणाई उव्वेहेणं प० ॥१०८०॥ कत्तियाणक्खते सव्ववाहिराओ मंडलाओ दसमे मंडले चारं चरइ ॥ १०८१ ॥ अणुराहा पक्वते सव्वभंतराओ मंडलाओ दसमे मंडले चारं चरइ ॥ १०८२ ॥
