________________
सुत्तागमे
[ठाणे
ठिई प० ॥ १०४१॥ चउत्थीए णं पंकप्पभाए पुढवीए उक्कोसेणं नेरइयाणं दस सागरोवमाई ठिई प० ॥१०४२ ॥ पंचमाए णं धूमप्पभाए पुढवीए जहन्नेणं नेरइयाणं दस सागरोवमाइं ठिई प० ॥ १०४३ ॥ असुरकुमाराणं जहन्नेणं दसवाससहस्साई ठिई प० ॥ १०४४ ॥ एवं जाव थणियकुमाराणं वायरवणस्सइकाइयाणं उकोसेणं दसवाससहस्साइं ठिई प० ॥ १०४५ ॥ वाणमंतराणं देवाणं जहण्णेणं दस वाससहस्साइं ठिई प० ॥ १०४६ ॥ वंभलोए कप्पे देवाणं उनोसेणं दस सागरोवमाइं ठिई प० ॥१०४७॥ लंतए कप्पे देवाणं जहण्णेणं दस सागरोवमाइं ठिई प० ॥ १०४८ ॥ दसहि ठाणेहिं जीवा आगमेसिभद्दत्ताए कम्मं पगरेंति तं०अणिदाणयाए, दिठ्ठिसंपन्नयाए, जोगवाहियत्ताए, खंतिखमणयाए, जिइंदिययाए,अमाइल्ल्याए, अपासत्थयाए, सुसामण्णयाए, पवयणवच्छल्लयाए, पवयणउब्भावणयाए ॥ १०४९ ॥ दसविहे आसंसप्पओगे प० तं०-इहलोगासंसप्पओगे, परलोगाससप्पओगे, दुहओलोगासंसप्पओगे, जीवियासंसप्पओगे, मरणासंसप्पओगे, कामासंसप्पओगे, भोगासंसप्पओगे, लाभासंसप्पओगे, पूयासंसप्पओगे, सकारासंसप्पओगे ॥ १०५० ॥ दस विहे धम्मे प० तं०-गामधम्मे, णगरधम्मे, रठधम्मे, पासंडधम्मे, कुलधम्मे, गणधम्मे, संघधम्मे, सुयधम्मे, चरित्तधस्मे, अस्थिकायधम्मे ॥१०५१॥ दसरा प० तं० गामथेर), णगरथेरा, रठथेरा, पसत्थारथेरा, कुलथेरा, गणथेरा, संघथेरा, जाइथेरा, सुअथेरा, परियायथेरा ॥ १०५२ ॥ दसपुत्ता प० तं०-अत्तए खेत्तए दिन्नए विनए उरसे मोहरे सोंडीरे संबुड्ढे उवयाइए धम्मंतेवासी ॥ १०५३ ॥ केवलिस्स णं दस अणुत्तरा प० तं० अणुत्तरे जाणे अणुत्तरे दसणे अणुत्तरे चरित्ते अणुत्तरे तवे अणुत्तरे वीरिए अणुत्तरा खंती अणुत्तरा मुत्ती अणुत्तरे अजवे अणुत्तरे महवे अणुत्तरे लाघवे ॥ १०५४ ॥ समयखेत्ते णं दस कुराओ प० तं०-पंच देवकुराओ पंच उत्तरकुराओ तत्थ णं दस महइमहालया महादुमा प० तं०-जंबू सुदंसणा धायइक्खे महाधायइरुक्खे पउमरक्खे महापउमरुक्खे पंच कूडसामलीओ तत्थ णं दस देवा महिड्डिया जाव परिवसंति तं० अणाढिए जंबुद्दीवाहिवई सुदंसणे पियदंसणे पोंडरीए महापोडरीए पंच गरुला वेणुदेवा ॥१०५५॥ दसहिं ठाणेहिं ओगाढं दुस्समं जाणेजा तं०-अकाले परिसइ काले ण वरिसइ असाहू पूइज्जति साहू ण पूइज्जति गुस्सु जणो मिच्छं पडिवन्नो अमणुण्णा सहा जाव फासा ॥ १०५६ ॥ दसहि ठाणेहिं ओगाढं सुसमं जाणेज्जा तं०-अकाले न वरिसइ तं चेव विवरीयं जाव मणुण्णा फासा ॥ १०५७ ॥ सुसमसुसमाए णं समाए दसविहा रुक्खा उवभोगत्ताए हव्वमागच्छंति तं०-मत्तंगया य भिगा तुडियंगा दीव
