________________
म. १.]
सुत्तागमे
दस जोयणसयाई उडे उच्चत्तेणं दस गाउयसयाई उव्वेहेणं मूले दस जोयणसयाइं विक्खंभेणं ॥ ९७८ ॥ धरणस्स नागकुमारिदस्स णं नागकुमाररण्णो कालवालस्स महारण्यो महाकालप्पभे उप्पायपव्वए दस जोयणसयाई टड्ढे उच्चत्तेणं एवं चेव, एवं जाव संखवालस्स, एवं भूयाणंदस्स वि, एवं लोगपालाणंपि से जहा धरणस्स, एवं जाव थणियकुमाराणं सलोगपालाणं भाणियव्वं, सव्वेसि उप्पायपव्वया भाणियचा सरिसणामगा ॥९७९॥ सक्कस्स णं देविंदस्स देवरन्नो सक्कप्पभे उप्पायपव्वए दस जोयणसहस्साई उढे उच्चत्तणं दसगाउयसहस्साइं उब्वेहेणं मूले दस जोयणसहस्साई विक्खंभेणं प० ॥ ९८० ॥ सकस्स णं देविंदस्स देवरण्णो सोमस्स महारनो जहा सकस्स तहा सव्वेसिं लोगपालाणं सव्वेसि च इंदाणं जाव अचुयत्ति, सव्वेसि पमाणमेगं ॥९८१ ॥ वायरवणस्सइकाइयाणं उक्कोसेणं दस जोयणसयाई सरीरोगाहणा प०॥९८२ ॥ जलचरपंचिंदियतिरिक्खजोणियाणं उक्कोसेणं दस जोयणसयाई सरीरोगाहणा प० उरपरिसप्पथलचरपंचिंदियतिरिक्खजोणियाणं उक्कोसेणं एवं चेव ॥ ९८३ ॥ संभवाओ णं 'अरहाओ अभिनंदणे अरहा दसहि सागरोवमकोडिसयसहस्सेहिं वीइकंतेहिं समुप्पन्ने ॥९८४॥ दसविहे अणंतए प० तं० णामाणतए ठवणाणतए दव्वाणंतए गणणाणतए पएसाणंतए एगओणंतए दुहओणंतए देसवित्थाराणंतए सव्ववित्थाराणंतए सासयाणंतए ॥ ९८५ ॥ उप्पायपुव्वस्स णं दस वत्थू प० ॥९८६ ॥ अस्थिणत्थिप्पवायपुवस्स णं दस चूलवत्थू प०॥९८७॥ दसविहा पडिसेवणा प० तं०-दप्प पमाय णाभोगे आउरे आवईसु य, संकिए सहसक्कारे भय प्पयोसा य वीमंसा ॥९८८॥ दस आलोयणा दोसा प० तं० आकंपइत्ता अणुमाणइत्ता जंदिह्र बायरं च सुहुमं वा, छण्णं सद्दाउलगं बहुजण अव्वत्त तस्सेवी ॥९८९ ॥ दसहि ठाणेहिं संपन्ने अणगारे अरिहइ अत्तदोसमालोएत्तए तं०जाइसंपन्ने कुलसंपन्ने एवं जहा अठ्ठठाणे जाव खते दंते अमाई अपच्छाणुतावी ॥ ९९० ॥ दसहि ठाणेहिं संपन्ने अणगारे अरिहइ आलोयणं पडिच्छित्तए तं०आयारवं अवहारवं जाव अवायदंसी पियधम्मे दढधम्मे ॥ ९९१ ॥ दसविहे पायच्छित्ते प० तं०-आलोयणारिहे जाव अणवठ्ठप्पारिहे पारंचियारिहे ॥ ९९२ ॥ दसविहे मिच्छत्ते प० तं०-अधम्मे धम्मसण्णा धम्मे अधम्मसण्णा उम्मग्गे मंग्गसण्णा मागे उम्मॉगसण्णा अजीवेसु जीवसन्ना जीवेसु अजीवसण्णा असाहुसु साहुसण्णा साहुसु असाहुसण्णा अमुत्तेसु मुत्तसण्णा मुत्तेसु अमुत्तसण्णा ॥ ९९३ ॥ चंदप्पभे गं अरहा दस पुव्वसयसहस्साई सव्वाउयं पालइत्ता सिद्धे जावप्पहीणे ॥९९४ ॥ धम्मे णं अरहा दस वाससयसहस्साई सव्वाउयं पालइत्ता सिद्ध जाव
