________________
सुत्तागमे
२९६
[ठाणे रिक्खजोणिया मणुस्सा देवा सिद्धा ॥ ८७० ॥ अहवा नवविहा सव्वंजीवा प० तं० पढमसमयनेरझ्या अपढमसमयनेरइया जाव अपढमसमयदेवा सिद्धा ॥ ८७१ ॥ नवविहा सव्वजीवोगाहणा प० तं० पुढविकाइओगाहणा आउ० जाव वणस्सइकाइओगाहणा बेइंदियोगाहणा तेइंदियोगाहणा चउरिंदियोगाहणा पंचिंदियोगाहणा ॥ ८७२ ॥ जीवा णं नवहिं ठाणेहिं संसारं वत्तिंसु वा वत्तंति वा वत्तिस्संति वा तं० पुढविकाइयत्ताए जाव पंचिंदियत्ताए ॥ ८७३ ॥ नवहिं ठाणेहिं रोगुप्पत्ती सिया तं० अच्चासणाए अहियासणाए अइणिहाए अइजागरिएणं उच्चारनिरोहेणं पासवणनिरोहेणं अद्धाणगमणेणं भोयणपडिकूलयाए इंदियत्थविकोवणयाए ॥ ८७४ ॥ णवविहे दरिसणावरणिज्जे कम्मे प० तं०-निदा निद्दानिदा पयला पयलापयला थीणगिद्धी चक्खुदरिसणावरणे अचक्खुदरिसणावरणे ओहिदरिसणावरणे केवलदरिसणावरणे ॥ ८७५ ॥ अभीई णं णक्खत्ते साइरेगे नवमुहुत्ते चंदेणं सद्धिं जोगं जोएइ ॥८७६॥ अभिईआइआ णं णवनक्खत्ता णं चंदस्स उत्तरेणं जोगं जोएंति तं०, अभिई सवणो धणिछा जाव भरणी ॥ ८७७ ॥ इमीसे णं रयणप्पभाए पुटवीए बहुसमरमणिज्जाओ भूमिभागाओ णवजोअणसयाइं उर्दू अवाहाए उवरिल्ले तारारूवे चार चरति ॥ ८७८ ॥ जंबुद्दीवे णं दीवे णवजोअणिया मच्छा पविसिंसु वा पविसंति वा पविसिस्संति वा ॥ ८७९ ॥ जंबुद्दीवे दीवे भारहे वासे इमीसे ओसप्पिणीए णव वलदेववासुदेवपियरो होत्था तं० पयावई य वंभे य रोद्दे सोमे सिवेइया, महासीहे अग्गिसीहे दसरह नवमे य वसुदेवे (१) इत्तो आढत्तं जहा समवाये निरवसेसं जाव एगा से गन्भवसही सिज्झिस्सति आगमिस्सेणं ॥ ८८० ॥ जंबुद्दीवे दीवे भारहे वासे आगमेस्साए उस्सप्पिणीए नवबलदेववासुदेवपियरो भविस्संति नव बलदेववासुदेवमायरो भविस्संति, एवं जहा समवाए निरवसेसं जाव महाभीमसेणे य सुग्गीवे य अपच्छिमे; एए खलु पडिसत्तू कित्तीपुरिसाण वासुदेवाणं सव्वेवि चकजोही हम्मेहंती सचक्केहि ॥ ८८१॥ एगमेगे णं महानिही नवनव जोयणाई विक्खंभेणं प० एगमेगस्स णं रण्णो चाउरंतचक्कवट्टिस्स णव महानिहओ प० तं० "णेसप्पे पंडयए पिंगलए सव्वरयण महापउमे, काले य महाकाले माणवग महानिही संखे (१) नेसप्पमि निवेसा गामागरनगरपट्टणाणं च, दोणसुहमडंबाणं खंधाराणं गिहाणं च (२) गणियस्स य बीयाणं माणुम्माणस्स जं पमाणं च, धन्नस्स य बीयाणं उप्पत्ती पंड्डुए भणिया (३) सव्वा आभरणविही पुरिसाणं जा य होइ महिलाणं, आसाण य हत्थीण य पिंगलगनिहिम्मि सा भणिया (४) रयणाई सव्वरयणे चोद्दस पवराई चक्कवहिस्स, उप्पजति एगिदियाई पंचिंदि
