________________
२५४
[ ठाणे
सुतागमे
सोक्खाओ अववरोवेत्ता भवइ, फासामयाओ दुक्खाओ असंजोगेता भवइ, बेइंदिया णं जीवा समारंभमाणस्स चउव्विहे असंजमे कजड़ तं० जिन्भामयाओ सोक्खाओ ववरोवित्ता भवइ जिन्भामरणं दुक्खेणं संजोगेत्ता भवइ फासामयाओ सोक्खाओ ववरोवित्ता भवइ फासामएणं दुक्खेणं संजोगेत्ता भवइ ॥ ४६९ ॥ समदिठियाणं णेरइयाणं चत्तारि किरियाओ पण्णत्ताओ तं० आरंभिया, परिग्गहिया मायाव त्तिया, अपञ्चक्खाण किरिया, सम्मदिठ्ठियाणमसुरकुमाराणं चत्तारि किरियाओ प० एवं चेव । एवं विगलिंदियवज्जं जाव वेमाणियागं ॥ ४७० ॥ चउहिं ठाणेहि संते गुणे णासेज्जा तं. कोहेणं पडिनिसेवेणं, अकयण्णुयाए, मिच्छत्ता हिणिवेसेणं । चउहिं ठाणेहिं संते गुणे दीवेजा तं० अन्भासवत्तियं, परछंदाणुवत्तियं, कज्जहेउं, कयपडिकइएइ वा; णेरइयाणं चउहिं ठाणेहिं सरीरुप्पत्ती सिया तं० कोहेणं माणेणं मायाए लोभेणं, एवं जाव वेमाणियाणं, णेरइयाणं चउठाणणिव्वत्तिए सरीरे तं कोहनिव्वत्तिए जाव लोभनिव्वत्तिए, एवं जाव वेमाणियाणं । चत्तारि धम्मदारा प० तं० खंती मुत्ती अजवे मद्दवे ॥ ४७१ ॥ चउहिं ठाणेहि जीवा णेरइयत्ताए कम्मं पगरेंति तं महारंभयाए, महापरिग्गयाए पंचिंदियवहेणं कुणिमाहारेणं, चउहि ठाणेहिं जीवा तिरिक्खजोणियत्ताए कम्मं पगरेंति तं० माइल्लयाए नियडिल्ल्याए अलियवयणेणं कूडतुलकूडमाणेणं, चउहिं ठाणेहिं जीवा मणुरसत्ताए कम्मं पगरेंति तं० पगइभद्दयाए पगइविणीययाए साणुक्कोसयाए अमच्छरियाए । चउहिं ठाणेहिं जीवा देवाउयत्ताए कम्मं पगरेंति तं० सरागसंजमेणं संजमासंजमेणं वालतवोकम्मेणं अकामणिजराए ॥४७२॥ चउव्विहे वजे पतं० तते वितते घणे झुसिरे, चउव्विहे णट्टे प。तं० अंचिए रिभिए आरभडे भिसोले, चउव्विहे गेये प० तं० उक्खित्तए पत्तए मंदए रोविंदए, चडव्विहे मल्ले प० तं० गंथिमे वेढिमे पूरिमे संघाइमे चउन्त्रिहे अलंकारे प० तं० 'केसालंकारे वत्थालंकारे मल्लालंकारे आभरणालंकारे, चउन्विहे अभिणए प० तं० दिठ्ठेतिए पाउंसुए सामंतोवायणिए लोगमव्भावसिए ॥ ४७३ ॥ सणकुमारमाहिंदेसु णं कप्पेसु विमाणा चउवण्णा प० तं ० णीला लोहिया हालिद्दा सुकिल्ला | महासुक्क सहस्सारेसु णं कप्पेसु देवाणं भवधारणिजा सरीरगा उक्कोसेणं चत्तारि रयणीओ उ उच्चत्तेणं पण्णत्ता ॥ ४७४ ॥ चत्तारि उद्गगब्भा प० तं० उस्सा महिया सीया उसिणा, चत्तारि उदगगव्भा प० तं० हेमगा अब्भसंथडा सीओसिणा पंचरूविया माहे उ हेमगा गव्भा फग्गुणे अब्भसंथडा, सीओसिणा उ चित्ते, वइसाहे पंचरुविया (१) चत्तारि माणुस्सीगब्भा प० तं इत्थित्ताए पुरिसत्ताए णपुंसगत्ताए विवत्ताए अप्पं सुकं बहुं ओयं इत्थी तत्थ पजायइ, अप्पं ओर्यं
