________________
सुत्तागमे
२३१
कालम्मि (५) ॥ ३४९ ॥ चत्तारि विकहाओ प० तं० इत्थिकहा भत्तकहा देसकहा रायकहा । इत्थिकहा चउब्विहा प० तं इत्थीणं जाइकहा, इत्थीणं कुलकहा, इत्थीणं रूवकहा, इत्थीणं नेवत्थकहा, भत्तकहा चउव्विहा प० तं० भत्तस्स आवावकहा, भत्तस्स निव्वावकहा, भत्तस्स आरंभकहा, भत्तस्स पिठ्ठाण - कहा। देसकहा चउव्विहा प० तं० देसविहिकहा, देसविकप्पकहा, देसच्छंद कहा, देसनेवत्थकहा, रायकहा चउव्विहा प० तं० रण्णो अइयाणकहा रण्णो निजाणकहा, रण्णो वलवाहणकहा, रण्णो कोसकोठ्ठागारकहा ॥ ३५० ॥ चउव्विहा धम्मकहा प० तं० अक्खेवणी विक्खेवणी संवेगणी णिव्वेगणी । अक्खेवणी कहा चडव्विहा प० तं० आयारक्खेवणी ववहारक्खेवणी पण्णत्तिक्खेवणी दिठिवायक्खेवणी | विक्खेवणी कहा चउव्विहा प० तं० ससमयं कहेइ, ससमयं कत्ता परसमयं कहेइ, परसमयं कहेत्ता ससमयं ठावित्ता भवइ, सम्मावायं कहे, सम्मावार्य कहेत्ता मिच्छावायं कहेड, मिच्छावायं कहेत्ता सम्मावार्य ठावइत्ता भवइ । संवेगणी कहा चउव्विहा प० तं० इहलोगसंवेगणी परलोगसंवेगणी आयसरीरसंवेगणी परसरीरसंवेगणी । णिव्वेगणी कहा चउव्विहा प० तं० इहलोगे दुचिण्णा कम्मा इहलोगे दुहफलविवागसंजुत्ता भवंति, इहलोगे दुचिण्णा कम्मा परलोगे दुहफलविचागसंजुत्ता भवंति, परलोगे दुचिण्णा कम्मा इहलोगे दुहफलविवागसंजुत्ता भवंति । परलोगे दुचिण्णा कम्मा परलोगे दुहफलविवागसंजुत्ता भवंति । इहलोगे सुचिण्णाकम्मा इहलोगे सुह फलविवागसंजुत्ता भवंति, इहलोगे सुचिण्णा कम्मा परलोगे सुहफल विवागसंजुत्ता भवंति एवं चउभंगो तहेव ॥ ३५१ ॥ चत्तारि पुरिसजाया प० तं० किसे णाममेगे किसे, किसे णाममेगे दढे, दढे णाममेगे किसे, दढे णाममेगे दढे । चत्तारि पुरिसजाया प० तं० किसे णाममेगे किससरीरे, किसे नाममेगे दढसरीरे, दढे णाममेगे किससरीरे, दढे णाममेगे दढसरीरे । चत्तारि पुरिसजाया प० तं० किससरीरस्य णाममेगस्स णाणदंसणे समुप्पज्जइ णो दढसरीरस्स, दढसरीरस्स णाममेगस्स णाणदंसणे समुप्पज्जइ णो किसमरीरस्स, एगस्स किससरीरस्स वि णाणदंसणे समुप्पज्जइ दढसरीरस्स वि, एगस्स णो किससरीरस्स णाणदंसणे समुप्पज्जइ णो दढसरीरस्स ॥ ३५२ ॥ चउहिं ठाणेहिं णिग्गंथाण वा, णिग्गंधीण वा अस्ति समयंसि अइसेसे णाणदंसणे समुपजिउकामेवि णो समुप्पज्जेज्जा तं ० अभिक्खणं अभिक्खण इत्थिकहं भत्तकहं देसकहं रायकहं कहेत्ता भवइ, विवेगेणं विउसग्गेणं णो सम्ममप्पाणं भावेत्ता भवइ, पुव्वरत्तावरत्तकालसमयंसि णो धम्मजागरियं जागरिता भवइ, फास्यस्स एसणिज्जस्स उञ्छस्स सामुदाणियस्स णो सम्म
अ० ४ उ० २ ]
