________________
[ ठाणे
२१२
सुत्तागमे तिहिं ठाणेहिं मायी मायं कट्ट णो आलोएज्जा णो पडिकमेजा जाव णो पंडिवजेज्जा तं. अकित्ती वा मे सिया अवन्ने वा मे सिया अविणए वा मे सिया, तिहिं ठाणेहिं मायी मायं कटु णो आलोएज्जा जाव णो पडिवजेजा तं० कित्ती वा मे परिहाइस्सइ जसो वा मे परिहाइस्सइ पूयासक्कारे वा मे परिहाइस्सइ, तिहिं ठाणेहिं मायी मायं कटु आलोएजा पडिक्कमेजा निदेजा जाव पडिवजेजा तंजहा मायिस्स णं अस्सि लोगे गरहिए भवइ उववाए गरहिए भवई आयाई गरहिया भवइ । तिहिं ठाणेहिं मायी मायं कटु आलोएजा जाव पडिवजेजा तं० अमायिस्स णं अस्सि लोगे पसत्थे भवइ, उववाए पसत्थे भवइ आयाई पसत्या भवइ तिहिं ठाणेहिं मायी मायं कटु आलोएना जाव पडिवज्जेजा तं० णाणट्ठयाए दंसणठ्याए चरित्तठ्ठयाए ॥२२१॥ तओ पुरिसजाया प० तं० सुत्तधरे अत्थधरे तदुभयधरे ॥२२२॥ कप्पइ निग्गंथाण वां निग्गंथीण वा तओ वत्थाइं धारित्तए वा परिहारत्तएँ वा तं० जंगिए साणिए खोमिए । कप्पइ निग्गंथाणं वा निग्गंथीणं वा तओ पायाइं धारित्तए वा परिहरित्तए वा तं० लाउयपाए वा दारुपाए वा मट्टियापाए वा, तिहिं ठाणेहिं वत्थं धरेज्जा तं० हिरिवत्तियं दुगुंछावत्तियं परीसहवत्तियं ॥२२३॥ तओ आयरक्खा प० तं० धम्मियाए पडिचोयणाए पडिचोएत्ता भवइ तुसिणीए वा सिया उद्वित्ता वा आयाए एगंतमन्तमवक्कमेजा ॥ २२४ ॥ निग्गंथस्स णं गिलायमाणस्स कप्पंति तओ वियडदत्तीओ पडिगाहित्तए तं० उक्नोसा मज्झिमा जहन्ना ॥ २२५ ॥ तिहिं ठाणेहिं समणे निग्गंथे साहम्मियं संभोइयं विसंभोइयं करेमाणे णाइक्कमंइ तं० सयं वा दर्छ सङ्कस्स वा निसम्म तच्चं मोसं आउट्टइ चउत्थं नो आउट्टइ ॥ २२६ ॥ तिविहा अणुन्ना प० तं. आयरियत्ताए उवज्झायत्ताए गणित्ताए, तिविहा समणुन्ना पतं० आयरियत्ताए उवज्झायत्ताए गणित्ताए, एवं उवसंपया एवं विजहण्णा ॥ २२७ ॥ तिविहे वयण प० तं० तव्वयणे तदन्नवयणे णो अवयणे, तिविहे अवयणे प० तं० णो तव्वयण णो तदन्नवयणे अवयणे, तिविहे मणे प० त० तम्मणे तयन्नमणे णो अमणे; तिविहे अमणे णो तंमणे णो तयन्नमणे अमणे ॥ २२८ ॥ तिहिं ठाणेहि अप्पनुष्ठि काए सिया तं० तस्सि च णं देसंसि वा पएसंसि वा णो बहवे उदगजोणिया जीवा य पोग्गला य उदगत्ताए वक्कमंति विउक्कमंति चयंति उववजंति पडिलोमवाऊ समु. ठ्ठियं उदगपोग्गलं परिणयं वासिउकामं अण्णं देसं साहरइ, अब्भवद्दलग च णं समुठियं परिणयं वासिउकामं वाउकाए विहुणेइ इच्चएहिं तिहिं ठाणेहिं अप्पवुः ठिकाये सिया । तिहिं ठाणेहिं महावुठ्ठिकाए सिया तं० तंसि च णं देससि वा पएससि वा वहवे उदगजोणिया जीवा य पोग्गला य उदगत्ताए वक्कमंति विउक
