Suttagame 01

SR No.: 010590
Original Sutra Author: N/A
Author: Fulchand Maharaj
Publisher: Sutragam Prakashan Samiti
Total Pages: 1314
Language: Prakrit
Classification: Book_Devnagari, Agam, Canon, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 89 MB

Page 232

सुत्तागमे
[ सूयगड
1
वुच्चन्ति, ते महाकाया ते अप्पाउया ते बहुयरगा पाणा जेहिं समणोवासगस्स सुपचक्खायं भवइ, जाव नो नेयाउए भवइ । भगवं च णं उदाहु सन्तेगइया समणोवासगा भवन्ति । तेसि च णं एवं वृत्तपुव्वं भवइ - नो खलु वयं संचाएमो मुण्डे भवित्ता जाव पव्वइत्तए । नो खलु वयं संचाएमो चाउद्दसमुद्दिपुण्णमा सिणीसु पडि पुण्णं पोसहं अणुपालित्तए । नो खलु वयं संचाएमो अपच्छिमं जाव विहरित्तए वयं च णं सामाइयं देसावगासियं पुरत्था पाईणं वा पडीणं वा दाहिणं वा उदीर्णं वा एयावया जाव सव्वपाणेहिं जाव सव्वसत्तेहिं दण्डे निक्खिते सव्वपाणभूयजीवसत्तेहिं खेमंकरे अहमंसि । तत्थ आरेणं जे तसा पाणा जेहिं समणोवासगस्स आयाणसो आमरणन्ताए दण्डे निक्खिते । तओ आउं विप्पजहंति, विप्पजहित्ता तत्थ आरेगं चेव जे तसा पाणा जेहिं समणोवासगस्स आयाणसो जाव तेसु पञ्चायन्ति, जेहि समगोवा सगस्स सुपचक्खायं भवइ । ते पाणा वि जाव अयं पि भेदे जाव नेयाउए भवइ ॥ ८१० ॥ तत्थ आरेणं जे तसा पाणा जेहिं समगोवासगस्स आयासो आमरणन्ताए दण्डे निक्खित्ते ते तओ आउं विप्पजहन्ति । विप्पजहित्ता तत्थ आरेणं चेव जाव थावरा पाणा जेहि समणोवासगस्स अट्ठाए दण्डे अनिक्खिते अट्ठाए दण्डे निक्खित्ते तेसु पच्चायन्ति । तेहिं समणोवासगस्स अट्ठाए दण्डे अनिक्खित्ते अणट्ठाए दण्डे निक्खित्ते, ते पाणा वि वुच्चन्ति ते तसा ते चिरट्ठिया जाव अयं पि भेदे से...। तत्थ जे आरेणं तसा पाणा जेहिं समणोवासगस्स आयाणसो आमरणन्ताए... तओ आउं विप्पजहन्ति विप्पजहित्ता तत्थ परेणं जे तसा थावरा पाणा जेहिं समणोवासगस्स आयाणसो आमरणन्ताए... तेसु पच्चायन्ति, तेहिं समणोवासगस्स सुपच्चक्खायं भवइ, ते पाणा वि जाव अयं पि भेदे से...। तत्थ जे आरेणं थावरा पाणा जेहिं समणोवासगस्स अट्ठाए दण्डे अणिक्खित्ते अणट्ठाए निक्खित्ते ते तओ आउं विप्पजहन्ति, विप्पजहित्ता तत्थ आरेणं चेव जे तसा पाणा जेहि समणोवासगस्स आयाणसो आमरणन्ताए.. तेसु पच्चायन्ति, तेसु समणोवासगस्स सुपच्चक्खायं भवइ, ते पाणा वि जाव अयं पि भेदे से...। तत्थ जे ते आरेणं जे थावरा पाणा जेहिं समणोवासगस्स अट्ठाए दण्डे अणिक्खित्ते अणट्ठाए निक्खित्ते, ते तओ आउँ विप्पजहन्ति विप्पजहित्ता ते तत्थ आरेणं चेव जे थावरा पाणा जेहिं समणोवासगस्स अट्ठाए दण्डे अणिक्खित्ते अणट्टाए निक्खित्ते तेसु पच्चायन्ति । तेहिं समणोवासगस्स अट्ठाए अगट्ठाए ते पाणा वि जाव अयं पि भेदे से नो...। तत्थ जे ते आरेणं थावरा पाणा जेहिं समणोवासगस्स अट्टाए दण्डे अणिक्खित्ते, अणट्टाए निक्खित्ते तओ आउं विप्पज
१८०