________________
२ सु० अ० ३]
सुत्तागमे
१६३
गाणं अकम्मभूमगाणं अन्तरदीवगाणं आरियाणं मिलक्खुयाणं । तेसिं च णं अहाबीएगं अहावगासेणं इत्थीए पुरिसस्स य कम्मकडाए जोणिए एत्थ णं मेहुणवत्तियाए (व) नामं संजोगे समुप्पज्जइ । ते दुहओ वि सिणेहं संचिणन्ति । तत्थ णं जीवा इत्थि - त्ताए पुरिसत्ताए नपुंसगत्ताएं विउट्टन्ति, ते जीवा माओउयं पिउसुक्कं तं तदुभयं संस कटुसं किव्विसं तं पढमत्ताए आहारमाहारेंति तओ पच्छा जं से माया णाणाविहाओ रसविहीओ आहारमाहारेंति तओ एगदेसेणं ओयमाहारैति अणुपुव्वेण बुड्ढा पलिपागमणुपवना तओ कायाओ अभिनिवट्टमाणा इत्थि वेगया जणयंति पुरिसं वेगया जणयंति, णपुंसगं वेगया जगयंति, ते जीवा डहरा समाणा माउक्खीरं सप्पि आहारेंति आणुपुव्वेगं बुड्ढा ओयणं कुम्मासं तसथावरे य पाणे ते जीवा आहारैति पुढविसरीरं जाव सारुवियक संत अवरेवि य णं तेसिं णाणाविहाणं मणुस्सगाणं कम्मभूमगाणं अकम्मभूमगाणं अंतरदीवगाणं आरियाणं मिलक्खूणं सरीरा णाणावण्णा भवंति मक्खायं ॥ ६९२ ॥ अहावरं पुरक्खायं णाणाविहाणं जलचराणं पंचिदियतिरिक्खजोणियाणं, तंजहा-मच्छाणं जाव सुंसुमाराणं तेसिं च णं अहावीएणं अहावगासेणं इत्थी पुरिसस्स य कम्मकडा तहेव जाव तओ पच्छा एगदेसेणं ओयमाहारेंति आणुपुव्वेणं चुड्ढा पलिपागमणुपवन्ना तओ कायाओ अभिनिवट्टमाणा अंडं वेगया जयंति पोयं वेगया जणयंति, से अडे उब्भिजमाणे इत्थि वेगया जणयंति, पुरिसं वेगया जगयंति, णपुंसगं वेगया जणयंति, तें जीवा डहरा समाणा आउसिणेहमाहारेति, आणुपुव्वेणं बुड्ढा वर्णस्सइकायं तसथावरे य पाणे ते जीवा आहारेंति पुढविसरीरं जाव संतं अवरेवि य णं तेसि णाणाविहाणं जलचरपंचिंदियति रिक्खजोणियाणं मच्छागं सुंसुमाराणं सरीरा णाणावण्णा जावमक्खायं ॥ ६९३ ॥ अहावरं, पुरक्खायं णाणाविहाणं चरप्पयथलयरपंचिंदियतिरिक्खजोणियाणं तंजहा एगखुराणं दुखुराणं गंडीपदाणं सणप्पयाणं तेसिं चणं अहाबीएणं अहावगासेणं इत्थिपुरिसस्स य कम्म जाव मेहुणवत्तिए णामं संजोगे समुप्पज्जइ ते दुहओ सिणेहं संचिणंति तत्थणं जीवा इत्यत्ताए पुरिसत्ताए जाव विउति ते जीवा माउओयं पिउक्कं एवं जहा माणुस्साणं इत्थि वेगया जणयंति पुरिसंपि नपुंसगंपि ते जीवा डहरा समाणा माउक्खीरं सप्पि आहारेंति आणुपुव्वेगं बुड्ढा वणस्सइकार्यं तस्थावरे य पाणे ते जीवा आहारैति पुढविसरीरं जाव संतं अवरेवि य णं. तेसिं णाणाविहाणं चउप्पयथलयरपंचिंदियतिरिक्खजोणियाणं एगखुराणं जाव सणप्पयाणं सरीरा णाणावण्णा जावमक्खायं ॥ ६९४ ॥ अहावरं पुरक्खायं णाणाविहाणं उरपरिसप्पथलयरपंचिदियतिरिक्खजोणियाणं तंजहा - अहीणं अयगराणं आसालियाणं महोरगाणं तेसिं च
