________________
सुत्तागमे
[सूयगड १५० गोरिं गन्धारिं ओवयणि उप्पणिं जम्भणि थम्भणि लेसणि आमयकरणिं विसल्लकरणिं पक्कमणिं अन्तद्धाणिं आयमिणिं, एवमाइयाओ विज्जाओ अन्नस्स हेड पउञ्जन्ति पाणस्स हेउं पउञ्जन्ति वत्थस्स हेउं पउञ्जन्ति लेणस्स हेउं पउञ्जन्ति सयणस्स हेउं पउञ्जन्ति, अन्नेसिं वा विरूवरूवाणं कामभोगाण हेडं पउऑति । तिरिच्छं ते विजं सेवन्ति, ते अणारिया विप्पडिवन्ना कालमासे कालं किंवा अन्नयराइं आसुरियाई किब्बिसयाइं ठाणाई उववत्तारो भवन्ति । तओ वि विप्पमुच्चमाणा भुजो एलसूययाए तमअन्धयाए पञ्चायन्ति ॥ १५ ॥ ६६५ ॥ से एगइओ आयहेउं वा नायहेउं वा सयणहेडं वा अगारहेउं वा परिवारहेउं वा नायगं वा सहवासियं वा निस्साए अदुवा अणुगामिए १ अदुवा उवचरए २ अदुवा पडिपहिए ३ अदुवा संधिच्छेयए ४ अदुवा गण्ठिच्छेयए ५ अदुवा उरब्भिए ६ अदुवा सोपरिए ७ अदुवा वागुरिए ८ अदुवा साउणिए ९ अदुवा मच्छिए १० अदुवा गोधायए ११ अदुवा गोवालए १२ अदुवा सोवणिए १३ अदुवा सोवणियंतिए १४ । एगइओ आणुगामियभावं पडिसंधाय तमेव अणुगामियाणुगामियं हन्ता छेत्ता भत्ता लुम्पइत्ता विलुम्पइत्ता उद्दवइत्ता आहारं आहारेइ, इति से महया पावेहिं कम्मेहि अत्ताणं उवक्खाइत्ता भवइ । से एगइओ उदचरयभावं पडिसंधाय तमेव उवचरियं हन्ता छेत्ता भेत्ता लुम्पइत्ता विलुम्पइत्ता उद्दवइत्ता आहारं आहारेइ । इति से महया पावेहि कम्मेहिं अत्ताणं उवक्खाइत्ता भवइ । से एगइओ पाडिपहियभावं पडिसंधाय तमेव पडिपहे ठिच्चा हन्ता छेत्ता भेत्ता लुम्पइत्ता विलुम्पइत्ता उद्दवइत्ता आहार आहारेइ, इति से महया पावेहि कम्महिं अत्ताणं उवक्खाइत्ता भवइ । से एगइओ संधिच्छेदगभावं पडिसंधाय तमेव संधि छेत्ता भेत्ता जाव इति से महया पावेहिं कम्मेहि अत्ताणं उवक्खाइत्ता सवइ । से एगइओ गण्ठिच्छेदगभावं पडिसंधाय तमेव गण्ठि छेत्ता भेत्ता जाव इति से महया पावेहि कम्मेहिं अत्ताणं उवक्खाइत्ता भवइ । से एगइओ उरम्भियभावं पडिसंधाय उरभ वा अन्नयरं वा तसं पाणं हन्ता जाव उवक्खाइत्ता भवइ । (एसो अभिलावो सव्वत्थ) से एगइओ सोयरियभावं पडिसंधाय महिसं वा अन्नयरं वा तसं पाणं हन्ता जाव उवक्खाइत्ता भवइ । से एगइओ वागुरियभावं पडिसंधाय मियं वा अन्नयरं वा तसं पाणं हन्ता जाव उवक्खाइत्ता भवइ । से एगइओ सउणियभावं पडिसंधाय सउणि वा अन्नयरं वा तसं पाणं हन्ता जाव उवक्खाइत्ता भवइ । से एगइओ मच्छियभावं पडिसंधाय मच्छं वा अनयर वा तसं पाणं हन्ता जाव उवक्खाइत्ता भवइ । से एगइओ गोधायभावं पडिसंधाय तमेव गोणं वा अन्नयरं वा तसं पाणं हन्ता जाव उवक्खाइत्ता भवई । से एगइओ
