________________
७२ सुत्तागमे
[आयारेआउसो त्ति वा भइणि त्ति वा णो खलु मे कप्पइ एयप्पगारे संगारवयणे पडिनुणेत्तए, अभिकंखसि मे दाउं इयाणिमेव दलयाहि ।” से सेवं वयंतं परो णेया वदेजा “आउसो त्ति वा भइणि त्ति वा आहरेयं वत्थं समणस्स दाहामा अवियाई वयं पच्छावि अप्पणो सयठाए पाणाइं भूयाइं जीवाइं सत्ताई समारम्भ समुदिस्स जाव चेइस्सामो” एयप्पगारं 'णिग्योसं सोचा णिसम्म तहप्पगारं वत्यं अफामुयं जाव णो पडिगाहेजा ॥ ८१६ ॥ सिया णं परो णेया वएज्जा “आउसो त्ति वा भइणि त्ति वा आहरेयं वत्थं सिणाणेण वा ४ जाव आघंसित्ता वा पघंसित्ता वा समणस्स णं दाहामो” एयप्पगारं णिग्घोसं सोच्चा णिसम्म से पुवामेव आलोएज्जा, आउसो त्ति वा भइणि त्ति वा मा एयं तुमं वत्थं सिणाणेण वा जाव पघंसाहि वा अभिकंखसि मे दाउं, एमेव दलयाहि" से सेवं वयंतस्स परो सिणाणेण वा जाव पघंसित्ता दलएजा, तहप्पगार वत्यं अफासुयं जाव णो पडिगाहेजा ॥ ८१७ ॥ से णं परो णेया वएजा, “आउसो त्ति वा भइणि त्ति वा आहर एयं वत्यं सीओदगवियडेण वा उसिणोदगवियडेण वा उच्छोलेत्ता वा पधोवेत्ता वा समणस्स दाहामो एयप्पगारं णिग्धोसं सोचा णिसम्म से पुवामेव आलोएजा आउसो त्ति वा भइणि त्ति वा मा एयं तुमं वत्थं सीओदगवियडेण वा उसिणोदगवियडेण वा उच्छोलेहि वा पहोवेहि वा अभिकंखसि सेसं तहेव जाव णो पडिगाहेज्जा ॥ ८१८ ॥ से णं परो णेया वएजा “आउसो त्ति वा भइणि त्ति वा आहरेयं वत्थं कंदाणि वा जाव हरियाणि वा विसोहित्ता रामणस्स दाहामो” एयप्पगारं णिग्धोसं सोचा णिसम्म जाव “भइणि त्ति वा मा एयाणि तुमं कंदाणि वा जाव विसोहेहि णो खलु मे कप्पइ एयप्पगारे वत्थे पडिगाहित्तए" से सेवं वयंतस्स परो कंदाणि वा जाव विसोहित्ता दलएजा तहप्पगारं वत्थं अफासुयं णो पडिग्गाहेजा ॥ ८१९ ॥ सिया से परो णेया वत्यं णिसिरेजा से पुव्वामेव आलोएजा “आउसो त्ति वा भइणि त्ति वा तुमं चेवणं संतियं वत्थं अंतोअंतेणं पडिलेहिजिस्सामि" केवली बूया आयाणमेयं वत्यंतेण बद्धे सिया कुंडले वा गुणे वा हिरण्णे वा सुवण्णे वा मणी वा जाव रयणावली वा पाणे वा बीए वा हरिए वा अह भिक्खूणं पुव्वोवदिट्ठा जाव ज पुवामेव वत्थं अंतोअंतेणं पडिलेहिज्जा ॥ ८२० ॥ से भिक्खू वा (२) से जे पुण वत्थं जाणिज्जा सअंडं जाव संताणगं तहप्पगारं वत्थं अफासुयं जाव णो पर्डिगाहेजा ॥ ८२१ ॥ से भिक्खू वा (२) से जं पुण वत्थं जाणिजा अप्पंडं जाव अप्पसंताणगं अणलं अथिरं अधुवं अधारणिजं रोइजंतं ण रोच्चइ तहप्पगारं वत्थ अफासुयं जाव णो पडिगाहेजा ॥ ५२२ ॥ से भिक्खू वा (२) से जं पुण वत्थ
