________________
णमोऽत्यु णं समणस्स भगवओ णायपुत्तमहावीरस्स
सुत्तागमे
तत्थ णं अंतगडदसाओ
[पढमो वग्गो] तेणं कालेणं तेणं समएणं चंपा-नाम न(ग)यरी (हो० व० तत्थ णं चं० न० उ० दि० ए०) पुण्णभद्दे (णा०) उजाणे (हो०) वण्णओ, (ती० चं० न० को० ना० ए० हो० म० हि० व०) तेणं कालेणं तेणं समएणं अज्जसुहम्मे (थे० जाव पं० अ० स० सं० पु० च० गा० सु० वि० जे० चं० न० जे० पु० उ० ते.) समोसरि(ते)ए परिसा निग्ग(ता)या जाव पडिग-या, तेणं कालेणं तेणं समएणं अन्नसुहम्मस्स अंतेवासी अनजंवू जाव पजुवास(माणे)इ, एवं व(दासि)यासी-ज(ति)इ णं भंते ! समणेणं (भ० म०) आ(इग)दिकरेणं जाव संपत्तेणं सत्तमस्स अंगस्स उवासगदसाणं अयमढे पण्णत्ते अट्ठमस्स णं भंते ! अंगस्स अंतगडदसाणं, समणेणं जाव संपत्तेणं के अढे पण्णत्ते ? एवं खलु जंवू ! समणेणं जाव संपत्तेणं अट्ठमस्स अंगस्स अंतगडदसाणं अट्ठ वग्गा पण्णत्ता, जइ णं भंते ! समणेणं जाव संपत्तेणं अट्ठमस्स अंगस्स अंतगडदसाणं अट्ठ वग्गा पण्णत्ता पढमस्स णं भंते ! वग्गस्स अंतगडदसाणं समणेणं जाव संपत्तणं कइ अज्झयणा पण्णत्ता ? एवं खलु जंवू ! समणेणं जाव संपत्तेणं अट्ठमस्स अंगस्स अंतगडदसाणं पढमस्स वग्गस्स दस अज्झयणा पण्णत्ता, तं०-'गोयम-समुद्द-सागर-गंभीरे चेव होइ थिमिए य। अयले कंपिल्ले खलु अक्खोभ-पसेण(ती)इ(वण्ही)विण्हू ॥ १ ॥' जइ णं भंते ! समणेणं जाव संपत्तेणं अट्ठमस्स अंगस्स अंतगडदसाणं पढमस्स वग्गस्स दस अज्झयणा पण्णत्ता (तं० गो० जाव वि०) पढमस्स णं भंते ! अज्झयणस्स अंतगडदसाणं समणेणं जाव संपत्तेणं के अढे पण्णत्ते? एवं खलु जंबू ! तेणं कालेणं तेणं समएणं वारवई-नामं नयरी होत्था, दुवालसजोयणायामा नवजो(अ)यणवित्थिण्णा धणवइमइणिम्माया चामीकरपागारा नाणामणिपंचवण्णकविसीसग(परि)मंडिया सुरम्मा अलकापुरिसंकासा पमुदियपीलिया पच्चक्खं देवलोगभूया पासा(दी)दिया ४, तीसे णं
