________________
२ सु० अ० ३-उ०१] सुत्तागमे यामेव बहुफासुए सेज्जासंथारए सएज्जा ॥ ७०८ ॥ से भिक्खू वा (२) बहुफासुए सेज्जा संथारए सयमाणे णो अण्णमण्णस्स हत्थेण हत्थं पाएण पायं काएण कार्य, आसाएजा, से अणासायमाणे तओ संजयामेव बहुफासुए सेज्जासंथारए सएज्जा ॥ ७०९ ॥ से भिक्खू वा (२) उस्सासमाणे वा णीसासमाणे वा कासमाणे वा छीयमाणे वा जंभायमाणे वा उड्दुए वा वायणिसग्गे वा करेमाणे पुव्वामेव आसयं वा पोसयं वा पाणिणा परिपिहित्ता तओ संजयामेव ऊससेज वा जाव वायणिसग्गं वा करेजा, ।। ७१० ॥ से भिक्खू वा (२) समावेगया सेज्जा भवेजा, विसमा वेगया सेजा भवेजा, पवाता वेगया सेजा भवेजा, णिवाता वेगया सेजा भवेज्जा, ससरक्खा वेगया सेना भवेजा, अप्पससरक्खा वेगया सेज्जा भवेजा, सदंसमसगा वेगया सेज्जा भवेजा, अप्पदंसमसगा वेगया सेज्जा भवेज्जा, सपरिसाडा वेगया सेजा भवेजा, अपरिसाडा वेगया सेज्जा भवेजा, सउवसग्गा वेगया सेज्जा भवेजा, णिस्वसग्गा वेगया सेना भवेजा, तहप्पगाराहिं सेजाहिं संविजमाणाहिं पग्गहिततरागं विहारं विहरेजा, णो किचिवि गिलाएजा ॥ ७११॥ एस खलु तस्स भिक्खुस्स भिक्खुणीए वा सामग्गिय ज सव्वठेहिं सहिए सया जएज्जासि त्ति बेमि ॥ ७१२ ॥ सेजाज्झयणस्स तइओद्देसो समत्तो॥
॥ सेजाणामविइयमज्झयणं समत्तं ॥
“अब्भुवगए खलु वासावासे अभिपचुढे वहवे पाणा अभिसंभूया, वहवे बीयाअहुणुन्भिन्ना, अंतरा से मग्गा, वहुपाणा वहुवीया, जाव संताणगा, अणभिकंता पंथा णो विण्णाया मग्गा” सेवं णचा णो गामाणुगामं दूइजेजा, तओ सजयामेव वासावासं उवल्लिएज्जा ॥ ७१३ ॥ से भिक्खू वा (२) से जं पुण जाणिज्जा गामं वा जाव रायहाणिं वा, इमंसि खलु गामंसि रायहाणिसि वा णो महती विहारभूमी णो महती विचारभूमी, णो सुलभे पीढफलगसेज्जासंथारए णो सुलभे फासुए उञ्छे अहेसणिजे वहवे जत्थ समणमाहणअतिहिकिवणवणीमगा उवागया उवागमिरसंति य अच्चाइण्णा वित्ती णो पण्णस्स निक्खमणपवेसाए जाव धम्माणुओगचिताए सेवं णच्चा तहप्पगारं गाम वा णगरं वा जाव रायहाणिं वा णो वासावासं उवल्लिएजा ।। ७१४ ॥ से भिक्खू वा (२) से जं पुण जाणिज्जा गाम वा जाव रायहाणि वा, इमंसि खलु गामंसि वा रायहाणिसि वा महती विहारभूमी महती विचारभूमी सुलभे जत्थ पीढफलगसेजासंथारए सुलभे फासुए उंच्छे अहेसणिजे णो जत्थ वहवे समण
