________________
षष्ठाध्याये द्वितीयमाह्निकम् तदित्यव्ययम् पञ्चम्यन्तार्थकम् । तस्मात् धर्माधर्मात्मककर्मरूपात हेतोः संयोगः जीवात्मनः देहसम्बन्धः। जन्मतत्प्रयुक्तसुखदुःखानुभवश्चेति भावः । विभागः देहवियोगः । मरणमिति यावत् । पुनः संयोगः विभागः। पुनरपि संयोग: विभाग इति परम्पराऽनुवर्ततेति ज्ञापनाय चकाराप्रयोगः।
एवं कर्मकृतः संसार इश्युक्त तस्मान्मुक्तिः कथमिति जिज्ञासा स्वरसतो जायते । तत्र पूर्वमेवेदमुक्तमित्याह
२६०. आत्मकर्मसु मोक्षो व्याख्यातः ॥ १६ ॥
आत्मकर्मसु "कायकर्मणा आत्मकर्म ब्याख्यातम्" इत्यादिषु पञ्चमाध्यायद्वितीयाह्निकसूत्रेषु त्रिषु मोक्षः व्याख्यातः कथं भवतीति निरूपितः । अत इह पुनर्नोच्यत इति भावः ॥
इति वैशेषिकसूत्रवृत्ती सुगमायां षष्ठाध्याये द्वितीयमाह्निकम् ॥
-
-
